martes, 29 de xaneiro de 2013

Non vexo o ceo, non vexo o mar...

Imos soñar uns minutos, crer nun mundo mellor, sentir a tristeza dos que o están pasando mal, intentar cambiar o que temos ao noso lado. Ver, observar, reflexionar... Imos ler en paz! 

Non vexo o ceo
nin vexo o mar.

Sinto que a néboa
está a medrar.
Vexo fusís.
Oio disparos.
Vexo uns rapaces.
Nenos soldados.
Vexo os seus ollos.
Son de metal.
Dor nas facianas.
Anxos do mal.
Nenos da fame.
Nenos raptados.
Nenos sen lazos.
Nenos forzados.
Seres feridos.
Nenos roubados.
Vítimas frías.
Nenos soldados.
Que alguén te salve,
neno da guerra!
Eu teño tanto ...
Ti tes miseria.
O home berraba máis alto
coa súa guitarra na man.
Peitaba con rabia as cordas
e cantaba:
Cantas veces debe un home mirar cara
arriba para poder ver o ceo? 

Poema de García Teijeiro "How many times must a man look up before he can see the sky?", 
inspirado nestas mesmas palabras da canción "Blowin' in the wind", de Bob Dylan.

Este é o noso gran de area. Durante estes días achegámonos a historia destes nenos que non viven en paz. Da man de Lalia coñecemos o seu país, o Sahara, o seu mundo de sonos perdidos, de recordos non  vividos para acabar despentando na dura realidade. Hoxe na Quinta dos libros coñeceremos a súa vida e unirémonos todos os rapaces e rapazas do centro nuha marcha solidaria pedindo a PAZ.



O noso desexo... que todos nenos e nenas 
poidan ver o ceo, poidan ver o mar.

Ningún comentario:

Publicar un comentario

Que esta Quinta estea viva depende de ti.