Unha tarde de maquillaxe

Este luns, nas nosas “Tardes na Biblioteca” tivemos un taller de maquillaxe no que os protagonistas foron os alumnos-as de 1ºEP. Comezamos a sesión contando o conto “El monstruo peludo” de Henriette Bichonnier, na pantalla puxemos unha presentación coas ilustracións desta historia tan divertida!

Despois pasamos á práctica, deseñamos as nosas propias maquillaxes e practicamos nuns bustos de xoguete. 

Todos os nenos e nenas escolleron como maquillarse, as maquillaxes que tiveron máis éxito foron as de fada e spiderman.

Rematamos a sesión aprendendo a versión da canción “O mercado” do libro, da Editorial Galaxia, María Fumaça, que está na nosa Biblioteca. Interpretamos a canción con xestos ao son da guitarra.

Tivemos a colaboración de Sara, unha alumna de 4º ESO, que é unha gran artista. Pasámolo moi ben! 
 O vindeiro luns, día 27 de abril, será o turno dos nenos-as de 2º EP.