luns, 30 de novembro de 2020

Latin Lovers

Na materia de Latín investigaron sobre a moda na Antigüidade.

Froito deses traballos de investigacion creamos unha exposición no recibidor do colexio.

Parabéns polo voso traballo!!!



 




domingo, 29 de novembro de 2020

Estruturas balanceadoras no Mes da Ciencia

O pasado xoves tivemos o derradeiro obradoiro co gallo do Mes da Ciencia en Galego nas Bibliotecas, foi impartido por Digna, profesora de Física e Química na ESO.

Nel traballaron as estruturas balanceadoras empregando cortizas, pinzas e paus. 


Moitas grazas ao Club de Ciencia pola realización destes obradoiros.

sábado, 28 de novembro de 2020

MELLORES COSTUREIR@S

 Entrega de agasallos aos mellores costureir@s.

Parabéns a María Oca e ao seu alumnado por tan bo traballo!!!

Alumnado de 2.º ESO.

Materia: Investigación e Tratamento da Información.

Profesora: María Oca.

MODA E RECICLAXE

 O alumnado de 2.º ESO de Investigación e Tratamento da Información fixo unha homenaxe as costureiras da contorna, traballando con productos reciclados para crear moda e accesorios.

Grazas a tod@s polas vosas creacións que decoran os corredores da ESO.






venres, 27 de novembro de 2020

Patricia "Sen máscaras"

 Hoxe visitou A Voz da Mata Patricia. Foi entrevistada por Valeria e Greta de 1º ESO.

 
Descubrimos moitas cousas dela. É unha grande lectora, a súa familia é moi especial para ela e ser nai foi unha experiencia que lle cambiou a vida. Vive esta pandemia con moita prudencia e está moi contenta no noso centro.

Vivíu un tempo en Huelva e bota de menos as súas amizades de alí.

Se queredes saber máis cousas da profe de Bioloxía da ESO, escoitade a súa entrevista completa na nosa canle de IVOOX ou premede AQUÍ.

Neste vídeo tedes un adianto da entrevista con Patri.

Moitísimas grazas, Patricia por unha entrevista chea de emocións!


Grazas a Valeria e a Greta por facelo tan ben. Parabéns!

María Oca "Sen máscaras"

 Hoxe tivemos na nosa Radio a María Oca, a nosa coordinadora da Biblioteca, participando no Proxecto "Sen máscaras" da Voz da Mata.

 

Foi entrevistada por dúas alumnas da súa titoría,  

Noela e Eva.

Descubrimos moitas cousas novas sobre ela. En Burgos foi unha pioneira nun grupo de danza tradicional, xa que foi unha das primeiras mulleres que bailou nel e a participación só estaba reservada para os homes. Gústalle moito o seu traballo. Ser profe é unha vocación. Ten pendente unha viaxe a Nova York e levaría a unha illa deserta un exemplar da Biblia... Se queredes saber por que e máis detalles da súa vida, escoitade a súa entrevista visitando a nosa canle de IVOOX ou premede AQUÍ.

Como adianto da entrevista podedes ver o seguinte vídeo.

Moitas grazas a Noela e a Eva por facer unha entrevista moi especial na que María contou tantas cousas!

 Grazas, María por abrir tan xenerosamente o teu corazón neste proxecto!

xoves, 26 de novembro de 2020

Estela "Sen máscaras"

 Hoxe estivo na Voz da Mata a profe Estela. Este é o seu primeiro ano no CPI.


Estivo participando no Proxecto "Sen máscaras", acompañada por Nico e David de 1º ESO.

 Contounos moitas cousas. Ser nai para ela foi algo moi especial e está moi contenta de estar no noso cole. Estudou Antropoloxía na Complutense de Madrid,  e está moi orgullosa porque traballou para poder pagar eses estudos.

Se queredes escoitar a entrevista completa, visitade a nosa canle de IVOOX ou premede AQUÍ.

Neste vídeo tedes un adianto da súa entrevista.

Grazas, Estela, por participar neste proxecto!

Grazas a Nico e David por ser tan bos entrevistadores.