Rematamos a Semana da Radio!

 Rematamos!

 

Pechamos esta Semana da Radio con tres programas máis.

O primeiro fala da música galega da man de Valeria, Hugo e Gema. Seguimos traballando o noso PDI.

Se queredes escoitar este programa premede AQUÍ. 

Adentrámonos no mundo da gandaría, tan importante na nosa terra, da man de Telmo, Jésica, Yésica e Juan de 2º ESO C.

Se queredes escoitar o programa premede AQUÍ.

E, para rematar, un tema de moita actualidade: as redes sociais!

Nadia, Inés, Paula e Alba cóntanos os pros e os contras das mesmas.

Se queredes escoitar o programa premede AQUÍ.

Grazas a todos-a os participantes nesta fantástica Semana da Radio!

 

O Club dos martes na Semana da Radio!

 O Club dos martes tivo hoxe unha sesión moi especial.

Comentamos o libro "Fóra de si" de Suso de Toro e presentamos unha aventura nova.

Aproveitando que estamos na Semana da Radio fixemos un libroforum na Voz da Mata, deste xeito tamén colaboramos coas actividades que se están a facer no noso centro dos "21 Días co galego".

Grazas a Rosaura, Pili, Loli e Elvira pola súa participación na gravación do podcasts e a Merce pola parte técnica. Grazas!

Semana da Radio, xoves!

 Seguimos festexando!

Hoxe mostramos tres programas estupendos da Voz da Mata!

Seguimos traballando o noso PDI, neste caso falamos da historia do Rock e de Elvis. Lydia, Paula, Borja e Victoria son os encargados-as deste programa.

Se queredes escoitar o programa premede AQUÍ.

Seguimos con dous programas realacionados con lugares de Galicia!

No programa "Lugares de Galicia I", da man de Leire, Lucía, Victor e Marcos, de 2º ESO C, falamos de sitios emblemáticos da nosa terra.

Se queredes escoitar o programa premede AQUÍ.

No programa "Lugares de Galicia II" seguimos descubrindo emprazamentos marabillosos galegos da man de Nico, David P, Sabela e Sheila de 2º ESO A.

Se queredes escoitar o programa premede AQUÍ.

Grazas a todos-as pola vosa participación nesta Semana da Radio!

Semana da Radio, mércores!

 Seguimos festexando a Semana da Radio.

Hoxe temos tres estupendos programas!

Seguimos traballando o noso PDI a través da Radio. 

Alejandro, Carlos, Diego e Xoel, de 2º ESO B, falan no seu programa sobre os distintos tipos de Rock que hai. Que interesante!

Se queredes escoitar este fabuloso programa premede AQUÍ.

Carla, Daniela, Bruno e Nicolás, de 2º ESO C, adéntranse no mundo dos Rolling Stones, unha das bandas máis míticas da historia da música.

Se queredes aprender moitas cousas sobre eles premede AQUÍ.

E por se tedes fame...Xavi, Lia, Soralla e Laura, de 2º ESO B, fan un gorentoso programa sobre gastronomía.

Se queredes escoitar este programa premede AQUÍ. 

Grazas a todos-as os-as participantes!

Cineforum do Club de Cine Adultos na Voz da Mata!

 O Club de Cine de adultos, quere participar na nosa Semana da Radio, cun podcasts no que comentan un vídeoclip do 2016 do compositor estadounidense Moby que ten como autor a Steve Cutts, un ilustrador e animador  británico.

A temática está de actualidade: a mala xestión que facemos das redes sociais e da tecnoloxía. 

Se queredes escoitar as reflexións do noso Club de Cine de Adultos preme AQUÍ

Grazas a Elvira, María, Rita e Rosaura por participar!

Semana da Radio, martes!

 Hoxe, festexamos a Semana da Radio con dous programas da Voz da Mata moi especiais.

O primeiro está enmarcado no noso PDI "O acorde da Quinta" e fala da cumbia e da salsa, este ano tamén estamos a traballar o baile. Ayleen, Andrés e Lucía de 2º ESO B, son os encargados deste programa.

Se queredes escoitalo premede AQUÍ.

O segundo trátase dun programa sobre os videoxogos, no que Rubén L, Cibrán e Iván, de 2º ESO A, falan deste tema tan de actualidade.

Se queredes escoitalo premede AQUÍ. 

Grazas a todos-as os-as participantes pola vosa aportación!

Semana da Radio, luns!

Temos unha programación especial, na Voz da Mata, por este día tan popular.

 Hoxe festexamos o Día de San Valentín ou, coma nós preferimos chamarlle, o Día do Amor.

Temos dous programas moi especiais. 

O primeiro deles é do alumnado de EP que, coordinados pola nosa orientadora, fixeron unhas mensaxes de amor para as súas familias, amigos, mascotas, profes...Un programa marabilloso!

 

Se queredes escoitalo premede AQUÍ.

O segundo é o resultado do Concurso de mensaxes de amor que fixemos na ESO. É un programa coas mensaxes seleccionadas e gañadoras nesta edición.

Aquí tedes unha representación dos gañadores-as!

Se queredes escoitar as marabillosas mensaxes gañadoras premede AQUÍ.

Feliz Semana da Radio e Feliz Día do Amor!

Día Mundial da Radio!

 Hoxe, 13 de febreiro, festexamos o Día Mundial da Radio!

Este ano participamos, para celebralo, en dous proxectos estupendos.

Colaboramos coa Rede Espora nun programa especial no que se fala da necesidade de contrastar as informacións e do rigor xornalístico.

Representáronnos Noé, Ángela e Antía de 4º ESO!

 Podedes escoitar a nosa participación premendo AQUÍ.

Tamén colaboramos con Ponte nas Ondas falando dun ben inmaterial moi importante para nós: os Muíños do Folón e  Picón. 

Paula, Iria, Marco e Miguel, de 5º B EP, fixéronse cargo desta representación! 

 Podedes escoitar a nosa participación na páxina web de Ponte nas Ondas ou premendo AQUÍ.

E para pór un broche final a esta xornada festiva e tan importante para A Voz da Mata, presentamos o 1º Programa do Club de comic "O puño e a letra" no que Sabela Adrover, Sabela Rodríguez e Danae de 3º ESO B, fan unha análise do mundo Manga impresionante a través dunha lectura que lles encantou.

Se tedes curiosidade por descubrir de que falaron preme AQUÍ. 

Grazas a todos-as os-as participantes nesta celebración por un traballo marabilloso!

 

Programación da Semana da Radio 2022!

 Hoxe celebramos o Día Mundial da Radio!

Esta semana estará chea de sorpresas relacionadas coa Voz da Mata, San Valentín, o noso proxecto...e moitas cousiñas máis!

Esperamos que vos guste e que a gocedes!

Feliz Día de San Valentín!

 Aproveitando que esta semana festexamos o Día Mundial da Radio, dende a Voz da Mata organizamos un Concurso de mensaxes de amor!

Houbo moita participación e foi moi difícil escoller as mensaxes gañadoras.

Mensaxes de amizade, de amor na familia, nos compañeiros-as, amor propio...Temos unha grande variedade!

E tamén amor en varios idiomas: galego, castelán, inglés e francés.

Estes son os nosos talentosos-as escritores-as:

Grazas por participar e parabéns por ofrecernos unhas mensaxes de amor tan marabillosas e cheas de sentimento!

Se queredes escoitar o Programa Especial San Valentín premede AQUÍ ou visitade a nosa canle de IVOOX.

Tamén podedes escoitar o programa na aula virtual.

Grazas a todo o profesorado que colaborou coa Voz da Mata para facer esta actividade!

Grazas ao alumnado por participar!

Feliz Día de San Valentín!

Semana da Radio!

 As actividades de Voz da Mata desta semana estarán adicadas ao Día Mundial da Radio, que se celebra o 13 de febreiro.

O Día Mundial da Radio compartirá protagonismo co Entroido. Aquí tedes o noso timbre musical para esta semana.

Ao longo da semana iremos publicando todas as actividades que faremos para festexar ese día tan importante para nós. Estade moi atentos-as!

San Valentín!

Hoxe festexamos San Valentín na Biblio e na Voz da Mata!

Emitimos na entrada do centro, un programa con textos de amor e degustamos unhas lambetadas de corazón! 

Grazas por participar!

Pechamos a Semana da Radio celebrando San Valentín!

Mañá pechamos a Semana da Radio celebrando San Valentín!

Na entrada do cole faremos o visionado do programa especial no que estarán presentes as linguas que se aprenden no CPI: Galego, castelán, portugués, francés e inglés. 

Esperamos que vos guste!

 Haberá unha sorpresa doce para os/as asistentes! 

Alí estaremos!

Programa da Elite Deportiva da Mata!

Nesta Semana da Radio contamos cun novo programa da Elite Deportiva da Mata, un grupo de voluntarios da Radio que nos fai un repaso polas novidades deportivas da actualidade. 

Grazas pola vosa achega!

Día Mundial da Radio. Rede Espora!

Hoxe celebramos o Día Mundial da Radio. O mellor xeito de facelo é co programa dos nosos compañeiros-as da Rede Espora. A Voz da Mata fixo unha colaboración falando do Colectivo VIA do noso centro.

 Grazas por esta oportunidade!

Se queredes escoitar o programa visitade a páxina da Rede Espora ou picade no seguinte enlace.

Escoitar programa Rede Espora 

Cineforum "Mujercitas"

O alumnado de 2º A ESO, no marco da materia Tratamento da Información fixo, para a Semana da Radio, un cineforum sobre a película "Mujercitas"

Moi bo traballo!

San Valentín en inglés e portugués!

Onte tivemos as últimas achegas para o programa especial da Voz da Mata de San Valentín. En inglés e portugués! Grazas. Vai quedar xenial!

Poemas do Miño!

Máis actividades do PDI e da Semana da Radio!

Hoxe o alumnado de 3º B de EP gravou un fermoso programa con poemas do río Miño.

Parabéns!

As lendas do Miño!

Hoxe, o alumnado de 5º B de Primaria gravou un programa sobre as lendas do río Miño, dentro do noso PDI e como actividade para celebrar o Día Mundial da Radio. Fixeron un marabilloso traballo de investigación que despois levaron as ondas da Voz da Mata. Parabéns polo voso esforzo e bo facer!

No noso timbre soará...

Dende o día 10 ao 14 de febreiro, Semana da Radio no CPI, no noso timbre escoitaremos temas relacionados coa Radio...

Estade moi atentos-as!