Escape Room

O Escape room é un xogo de aventura física e mental que consiste en pechar un grupo de xogadores nunha sala, na que deben resolver crebacabezas de todo tipo para desvelar unha historia e fuxir antes de que finalice o tempo dispoñible. Cada xogo pódese configurar nun mundo completamente diferente, naves espaciais, bunkers militares, a gorida dun asasino en serie, a oficina do director dunha escola e unha infinidade de temas máis.

A semana que coincidiu co Halloween, o alumnado do terceiro ciclo de primaria, puido gozar dun escape room organizado polos Axudantes de biblioteca de 6ºB.

Este equipo de axudantes, composto por 16 membros e a organizadora da actividade, Goya, estiveron traballando moito durante mes e medio e  conseguiron un éxito total entre os seus participantes.

A historia é sobre unha nena chamada Amelie, que desapareceu hai moito tempo no seu primeiro día de cole… Afortunadamente, todos os participantes resolveron todas as probas a tempo e atopárona sa e salva.

Agradecer os axudantes de biblioteca o esforzo posto nesta actividade e darlles a noraboa polos resultados obtidos.

Unha noite moi fría

Ángela e Lea, axudantes da biblioteca, tiveron a iniciativa de contarlles un conto ao alumnado de 1º de Primaria.

 

O libro que elexiron foi Unha noite moi fría, con temática do Nadal

Os nenos e nenas, que estiveron moi atentos á lectura, ao remate pedíronlle a estas dúas voluntarias da Quinta, que volvesen outro día para contarlles un novo conto, pero esta vez de terror. Aceptarán a proposta...?

"O gusto pola lectura adquírese case sempre na infancia"

Esther Tusquets

A biblioteca, lugar de colaboracións.

Hoxe comezaron os axudantes a participar activamente na biblioteca. Durante a xornada, formáronse na organización de libros por andeis, seguindo a correspondente etiqueta. 

A través do desenvolvemento e compromiso con estas tarefas, (lectura compartida, deseño de obradoiros, organización do material...) o voluntariado fortalece actitudes de colaboración na esfera cultural, ao mesmo tempo que contribúe ao bo funcionamento da nosa biblioteca.

"Ordenar bibliotecas é exercer dun modo silencioso a arte da crítica"

Jorge Luis Borges

Último obradoiro de Manga

Finalizamos este ciclo de Obradoiros de Manga cunha entrega especial adicada aos rostros.

Disfrutádeo e ata pronto!

Obradoiro de Manga

Hoxe tocou profundizar no debuxo de rostros. Paso a paso, as nosas Axudantes foron ensinando aos participantes as súas habilidades artísticas.

Abraiados estamos co resultado...

Obradoiro de Cubos de Rubik

Os nosos Axudantes decidiron ampliar este obradoiro un día máis á semana xa que hai moita demanda. Polo tanto estarán na biblioteca todos os martes e xoves.

Obradoiro de Slime

Hoxe, as nosas Axudantes de Biblioteca de 6º de primaria, organizaron un Obradoiro de Slime, o novo blandiblú caseiro e xoguete de moda.

Para facelo necesitaron misturar nun bowl cola de pegar e purpurina e noutro un pouco de auga e deterxente. Xuntando as dúas misturas obtense esta masa tamén coñecida como "moco de unicornio, gorila ou tolo".

Obradoiro de Cubos de Rubik

Día tras día, con constancia e motivación é como se consiguen as cousas. Hoxe traballamos cun patrón un pouco más complicado!

Estade atentos ao próximo obradoiro que se celebrará o vindeiro xoves coma todas as semanas.

Practicade na casa!

Curándonos na Quinta dos Libros!

Hoxe tivemos a última consulta do CMAL deste curso. 
Agradecemos a vosa colaboración, tanto aos mestres e axudantes que participaron coma ao alumnado atendido.

Volveremos pronto!

CMAL

Mañá o CMAL estará aberto na hora do recreo na biblioteca coma sempre.
Xa que estamos en tempada de alerxias contamos cos especialistas  Doutora Cousillas, Doutora Noa e Doutora González.
Non perdades esta gran oportunidade!

Obradoiro de Manga

Despedimos a semana con outro Obradoiro de Manga.

Boa finde!

Obradoiro de Cubos de Rubik

Seguimos co traballo por patróns cos Cubos de Rubik, pouco a pouco as cousas van saíndo.
Case sempre...quen a segue a consegue!

Obradoiro de Papiroflexia

O pasado venres tivemos outro Obradoiro de Papiroflexia na hora do recreo...

Rostros...

Hoxe o Obradoiro de Manga estivo centrado na caracterización de rostros...

 

Cara branca!

Hoxe no Obradoiro de Cubos de Rubik os participantes tiñan que ser capaces de formar a cara branca do cubo.

A verdade é que non foi nada doado!

 

Obradoiro de Manga

Mañá toca de novo coller o lápis e as cores!!!

Este obradoiro é para todas as idades así que animádevos!!! 

Obradoiro de Cubos de Rubik

Mañá volvemos co Obradoiro de Cubos de Rubik. A última vez traballamos con patróns...que se fará esta vez?

Na biblioteca, na hora do recreo, atoparedes a resposta...

Unha sorpresa moi doce

Os nosos Axudantes prepararon un Obradoiro de Pascua que foi todo un éxito. Aqueles que participaron, fixeron unha actividade plástica onde levaron uns ovos de chocolate!

 

Buzón de suxerencias

Os nosos Axudantes fixeron un buzón de suxerencias que atoparedes xusto na entrada da biblioteca. 
Agradecemos a vosa colaboración facendo comentarios e críticas construtivas que poidan mellorar a nosa biblioteca. Tamén utilizaremos esta canle para ampliar o noso catálogo según as vosas preferencias.

Fuchicando...

Hoxe comezamos a traballar co Cubo de Rubik por patróns.

E a verdade é que resultounos moi doado e divertido!!!