Formación de usuarios/as

Esta semana o voluntariado de Biblioteca da ESO recibiu formación de usuarios/as coa coordinadora da Biblioteca, María Oca.

A nosa Quinta dos Libros segue a traballar nestes tempos de pandemia.

Formación de usuarios na Voz da Mata

O mércores 16 de outubro alumnos e alumnas da ESO recibiron formación en radio para ser autónomos e facer gravacións de programas nos recreos. Quedamos a xantar no cole e fixemos un curso intensivo do uso da nosa radio. Foi estupendo!

Xa temos cinco equipas preparadas para gozar dos seus programas!

A GRAVAR!!!!

Formación de usuarios

A semana pasada, a mestra Lucía, explicounos o funcionamento da biblioteca. 

Nesta presentación tedes todo o necesario para coñecer as normas de uso da biblioteca. 

Se tedes algunha dúbida podedes consultar con calquera mestre do equipo de biblioteca.

Formando noutros centros

O pasado 20 de marzo, tanto a coordinadora de biblioteca Bea, como a coordinadora da radio Loli, representaron a nosa biblioteca no IES Isidro Parga Pondal, de Carballo, na segunda sesión de formación en radio escolar que  impartiron en dito centro. 

Xa están listos para botar a andar a súa radio!

Formación da radio do alumnado de 1º de primaria

Hoxe estiveron na Voz da Mata os máis pequeniños do cole, o alumnado de 1º de primaria! Fixeron un pequeno obradoiro de formación.           
    Foi moi divertido! 

    Pasárono xenial!

2º de primaria vai á Radio!

O alumnado de 2º de primaria, acudiu por primeira vez á nosa radio "A Voz da Mata". 

Gustoulles moito a experiencia! 

Aprenderon a falar polo micro, escoitaron as súas voces polos cascos e a nosa sintonía... Van preparar un programa para unha vindeira sesión de radio. 

E mirade que agasallo do departamento de Tecnoloxía! Moitas grazas! 

Formación da radio para alumnado da ESO

O pasado mércores día 14, fixemos unha xornada de formación de radio para o alumnado interesado da ESO. 

Quedamos a xantar no centro; logo fixemos prácticas de realización de guións, emisión de programas e aprendemos a parte máis técnica da radio.

Además, recibimos na Voz da Mata un agasallo moi especial, o noso logo en madeira!!

Moitas grazas ao Departamento de Tecnoloxía!

Aprender e compartir

Este curso iniciouse un novo proxecto na biblioteca denimonado RA na quinta, co que se pretende achegar ao alumnado a realidade aumentada. Un dos produtos finais deste traballo foi a creación dunha GUÍA DE USUARIOS. Para a súa elaboración contouse coa colaboración do alumnado de 4º PDC. Durante dous anos eles foron os encargados de formar aos seus compañeiros de 1º ESO. Así que aproveitaron eses coñecementos para deixalos plasmados en vídeos e podcasts.

Estes días están a amosar o seu traballo aos seus compañeiros. Os primeiros en coñecelo foron os rapaces do club de lectura ao que eles pertencen.

Tamén os máis pequenos do centro puideron gozar desta sesión na que coñeceron un pouco mellor a súa biblioteca.

Moitas grazas polo voso traballo!

Guía de usuarios con realidade aumentada

Un dos principais obxectivos da nosa biblioteca é formar usuarios autónomos. Con esta intención nace esta guía baseada na realidade aumentada.

Neste mapa interactivo aparecen recollidos sete puntos de información. Se apuntas neles cun dispositivo móvil coa aplicación AURASMA accederás a vídeos informativos gravados polo alumnado de 4º PDC nos que explican aspectos básicos do funcionamento da quinta dos libros.

Que se agocha detrás de cada número da CDU?

Sabes que podes atopar en cada número da CDU?  

Dende agora será máis fácil descubrilo. 

Colle un dispositivo móbil e apunta en cada un dos números da CDU. 

Escoita a información que che dan os teus compañeiros de 4º PDC.

Se premes AQUÍ poderás acceder ao resto de números da CDU.

Aprendendo a investigar

Queres ser un experto en investigación? Aquí podes dar os primeiros pasos. Se premes na fotografía descubrirás o recuncho do blog no que se recollen guías e manuais para facer os teus traballos de investigación.

Catro pasos para facer un traballo de investigación

Os máis pequenos aprenden a investigar!

Os maiores tamén aprenden a investigar!

Formarse na rede

Os usuarios da quinta dos libros poden repasar o funcionamento da biblioteca xogando. Se premes na fotografía accedes aos xogos.

Demasiadas dúbidas?

Nons lembras cal é o teu número de lector? Queres coñecer cantos lectores hai na túa biblioteca? Dende hoxe estes problemas están resoltos se consultas o blog.

OBSERVA A MARXE DEREITA

BUSCA O APARTADO A NOSA QUINTA

E PREME EN LECTORES DA QUINTA

LISTO!   

Os pequenos aprenden

Os nenos de 1º e 3º EP visitaron a nosa biblioteca paracoñecela mellor e aprender o seu funcionamento. Remataron a visita escoitando unha historia. Grazas a profe Gloria por ser a súa guía neste percorrido. 

Formadores en acción

Durante esta semana o alumnado de 1º ESO recibiu a formación de usuarios da man dos seus compañeiros de 4º PDC. Álex, Adrián, Bryan, César, Cristian, Inés, Íñigo, Iván, Lino e Noelia foron os encargados de levar a cabo estas dúas sesións. 

Con Inés e Noelia aprenden na rede.

Iván é o encargado de recordar os lectores da Quinta e o significado da CDU.

Álex axúdaos a facer etiquetas para os libros de diferentes seccións.

Lino xoga proponlles xogar coas películas na sección audivisual.

Bryan e Íñigo repasan as normas e o funcionamento da biblioteca.

Moitas grazas pola vosa colaboración!

Os formadores

Por segundo ano o alumnado de PDC inicia o curso preparando as sesións de formación para os seus compañeiros de 1º ESO. Estes días deseñaron as actividades que van facer con eles e repasaron cuestións básicas sobre o funcionamento da biblioteca. 

A mellor maneira de aprender e ensinando aos demais e compartindo con eles o aprendido. Moitas grazas rapaces pola vosa colaboración e o entusiasmo que poñedes!

Benvidos!

Este mes visitáronnos os novos compañeiros que virán o próximo curso ao noso colexio. Compartimos con eles unha sesión na que tamén lle quixemos ensinar a nosa biblioteca.

Queremos mellorar, queremos coñecer a túa opinión