A Voz da Mata seleccionada no II Concurso de Podcasts Radio na Biblio!

 Estamos de celebración!

O noso Rap de Carvhalo Calero foi premiado con 1000€ no II Concurso de Podcasts Radio na Biblio!

Estamos moi contentos-as porque foi difícil sacar adiante este traballo debido ás circunstancias que estamos a vivir. Tamén estamos moi agradecidos-as polo recoñecemento ao noso entusiasmo.

 

 

Parabéns ao alumnado de 6º B e á súa profe Elvira. Fixeron un marabilloso traballo!

E moitas grazas ao equipo da Voz da Mata!

Unha palabra para don Ricardo! A xente da barreira

Para rematar a semana, Fina Casalderrey, escritora, profesora, etnógrafa por vocación, gastrónoma, conferenciante, xornalista e membro da RAG lenos un fragmento da obra de don Ricardo: A xente da barreira (1951). A primeira novela do protagonista do Día das Letras Galegas 2020, foi tamén a primeira publicada en galego na posguerra.

Unha palabra para don Ricardo! Literatura

Francisco Fernández Rei, catedrático de Filoloxía Románica da USC, membro da RAE, investigador do galego oral e cofundador da Trabe de Ouro, entre outras cousas, elixe literatura para retratar un dos perfís do protagonista do Día das Letras Galegas 2020.

Unha palabra para don Ricardo! Galeguista.

No ecuador desta Semana das Letras vén falarnos, de don Ricardo, Araceli Herrero, licenciada e doutora en Filosofía e Letras (Filoloxía Románica: Español) e licenciada en Filoloxía Galego-Portuguesa.

Araceli Herrero elixe a palabra galeguista para retratar o protagonista do Día das Letras Galegas.

Unha palabra para don Ricardo! Orador.

Hoxe está connosco Antón Santamarina, lingüista galego, catedrático de filoloxía románica na USC e membro da RAG. É un experto en lexicografía recoñecido internacionalmente. Antón Santamarina define a Ricardo Carvalho Calero como un orador excepcional. O académico lembra o discurso que o protagonista do Día das Letras Galegas 2020 pronunciou en 1963 na primeira celebración desta festa, dedicada a Rosalía.

A palabra que escolleu foi: Orador.

Lecturas en galego! Equipo de Dinamización Lingüística!

O alumnado do CPI, coordinado polo Equipo de Dinamización Lingüística, festexa o Día das Letras cun marabilloso vídeo con lecturas en galego.

Parabéns! Un traballo precioso!

Esperamos que vos guste!

Grazas ao alumnado pola súa colaboración e á profe Olaya por xuntar todo o voso esforzo e facer un vídeo tan bonito!

Unha palabra para don Ricardo. Requintado!

Como sabedes, este ano o Día das Letras Galegas está adicado a Ricardo Carvalho Calero.Para coñecérmolo un pouquiño máis imos tomar prestada a sección titulada:Unha palabra para Don Ricardo, da RAG, que estará activa durante esta semana de celebración.

Nela, destacados membros da RAG falan durante un breve tempo de aspectos destacados da súa vida.

Hoxe comezamos con Gonzalo Navaza, escritor, tradutor, estudoso da nosa toponimia, actor de teatro e profesor de galego titular da Universidade de Vigo. Escolleu para don Ricardo a palabra: Requintado.

Programación Semana das Letras 2020!

Aquí tedes a Programación do noso blog para esta semana tan especial! 
A Semana das Letras Galegas!

O Equipo de Dinamización da Lingua, a Biblio e a Radio fixemos moitas e moi variadas actividades para festexar unha data tan importante!
 Estade atentos-as a este blog e ao noso Instagram.

Que pasedes un bo domingo e bo Día das Letras Galegas!