ELLA ten faces

Seguimos mostrándovos o traballo que o Departamento de Plástica xunto con alumnos e alumnas de Secundaria están realizando no centro para deixar o rastro do proxecto ELLA, que ten como tema central a visibilidade da muller.

Henar Barbosa ilustra na aula de convivencia á primeira muller afroamericana piloto da historia, Bessie Coleman.

David Álvarez debuxou a María de Maeztu, pedagoga e humanista vitoriana na aula de apoio.

 

 Carlos Nogales encárgase de plasmar na aula de idiomas á primeira muller en presidir o Parlamento Europeo de Estrasburgo, a francesa supervivinte do Holocausto, Simone Veil.

E a física gañadora do premio Nobel, Maria Goeppert-Mayer quedará ilustrada no centro gracias a María Mariño.

                                    

"As mulleres aínda temos moito que reivindicar".

Simone Veil

Grape Club

Esta tarde o Grape Club abriu de novo as súas portas. Aínda que naceu como un club de jazz, esta vez acolleu un recital poético musical moi variado. 

O espírito das orixes do noso club estivo presente na figura dunha das grandes voces do jazz, Ella Fitzgerald. Foi precisamente dela, de quen tomamos prestado o nome para o proxecto de centro que tivo a figura da muller como tema principal.

Vivimos unha tarde moi especial, onde as protagonistas foron as palabras, a música e as emocións.

Gracias a todos os que seguen implicándose nesta gran aventura!

"Onde hai amor e inspiración, nada pode saír mal".

Ella Fitzgerald

As pegadas de ELLA

O proxecto da biblioteca sobre as mulleres, que vertebra todo o centro, está deixando o seu rastro no colexio grazas ao Departamento de Plástica e ás alumnas e alumnos de Secundaria.

Na porta da aula de Ciencias Socias I, Sabela Treinta encargouse de debuxar (xunto coa axudante, Henar Barbosa) á heroína galega, María Pita. Unha das mulleres máis importantes na historia de Galicia.

E na aula de informática de Primaria, Verónica Alonso encárgase de representar á primeira persoa programadora da historia, a matemática e escritora británica Ada Lovelance.

"Canto tempo deben esperar as mulleres para obter a súa liberdade? Déixennos ter os dereitos que merecemos."
Alice Paul

Exposición Premios María Josefa Wonenburger Planells

A biblioteca ten, como ben sabedes, de tema central de traballo a muller como protagonista, co título "ELLA /ela/".

Seguindo nesta liña, participamos no programa "Donas de si", dentro do Plan Proxecta. Unha iniciativa da Consellería que ten como obxectivo principal a visibilización e posta en valor da participación das mulleres no desenvolvemento da sociedade galega. De xeito que se recoñeza o seu papel político, social, científico e cultural.

Por este motivo, contamos cunha exposición fotográfica ,en préstamo, coas imaxes das mulleres galardoadas co premio que leva o nome da investigadora e matemática galega María Josefa Wonenburger, unha auténtica pioneira e referente no ámbito das ciencias.

 Con esta exposición preténdese visualizar e facer chegar á sociedade, as contribucións feitas polas mulleres galegas á ciencia e a tecnoloxía. Mulleres que adican a súa vida profesional a algún campo específico da ciencia ou da tecnoloxía

Exposición situada nos corredores de Secundaria.

"A investigación é o futuro. É difícil que os estudantes vexan atractiva a opción científica xa que o número de prazas é moi limitado. Precisamos máis apoio".

María Soledad Soengas. (Premio María Wonenburger)

A visitadora de cárceres

Comezamos a semana mostrando unha das actividades que se están realizando no centro en relación co proxecto integrado da biblioteca, "Ella".

Cumpríronse 125 anos do falecemento da escritora galega Concepción Arenal. É precisamente a muller que o alumnado de 6ºA elexiu para investigar sobre a súa vida e obra. Entre moitas das súas facetas, descubriron que detrás da escritora realista atopábase unha muller loitadora polo dereito á Educación e sobre todo polos dereitos das mulleres.

Pero para saber un pouquiño máis dela, recomedámosvos que olledes o seguinte vídeo:

"Abride escolas e pecharanse cárceres"

Concepción Arenal

Time's Up

A entrada do blog de hoxe ía estar enfocada unicamente na volta á rutina e no comezo de ano...

Mais non queremos que pase o día sen facer alusión aos Golden Globes 2018. A 75ª edición non pasará á historia pola lista de nominados nin galardoados, senón por ser unha gala chea de reivindicacións.

Case a totalidade dos asistentes, fose home ou muller, foi vestido de negro e cun distintivo co lema Time's Up -'Acabouse o tempo'. Movemento ideado por varias actrices de Hollywood en protesta contra os abusos de poder, acoso sexual e desigualdades na industria do cine e, por extensión, en calquera lugar de traballo.

Pero, sen dúbida, o gran momento da cerimonia foi o memorable e emotivo discurso de Oprah Winfrey despois de recibir un premio pola súa traxectoria profesional.

"Todas as mozas que me escoiten neste momento, saiban que un novo día está no horizonte e cando ese día chegue será gracias a moitas mulleres magníficas e homes fenomenales que loitan xuntos para garantir que chegue o momento en que ninguén máis teña que dicir "eu tamén... "

Oprah Winfrey

MULLERES

Como xa sabedes a biblioteca ten como tema central de traballo para este curso A MULLER como protagonista, co título "ELLA /ela/". Pero ademais estamos a participar nun proxecto titulado VIOLENCIA ZERO, en colaboración coa Deputación de Pontevedra, e co asesoramento da profesora de Belas Artes , Mar Caldas. Esta semana foi presentado no auditorio do Rosal ao alumnado de Secundaria.

En ambos proxectos desexamos dar protagonista ás mulleres da zona (ou doutras máis afastadas), facer visible o traballo de tantas e tantas científicas, artistas, historiadoras, mestras como houbo ao longo de todas as épocas. As nosas aulas contarán con murais dos rostros de moitas delas, e pasarán a chamarse como as mulleres elexidas para cada caso. E tamén desexamos facer visible, e darlle importancia ás vidas de mulleres da vida cotiá, a mulleres traballadoras, a mulleres que axudan a outras mulleres, a mulleres que levantan o país día a día co seu esforzo e adicación, que teñen postos de responsabilidade ou ben levan vidas máis discretas.

Agora queremos dar un paso máis neste gran proxecto a través da vosa colaboración (mediante audios, vídeos, escritos...) e así poidamos coñecer e dar visibilidade a todas estas mulleres. 

A continuación mostrámosvos a primeira entrevista realizada. 
A protagonista é Doralia Blanco de San Miguel de Tabagón.

"As mulleres son as grandes olvidadas da historia"

Elena Poniatowska

Recanto ELLA

Comezamos o mes informándovos que xa temos no noso recanto ELLA, as novidades en libros e películas que teñen como protagonistas a mulleres que sobresaíron en distintos ámbitos, ou obras nas que se reflexa a realidade do xénero feminino. Convidámosvos a botarlle un ollo.

E para que gocemos dunha boa lectura na fin de semana, Diego de 1º da ESO A recoméndanos Los doce trabajos de Hércules por varias razóns...

   "A lectura fainos sentir que logramos algo, que aprendemos algo, que somos mellores persoas"

Nora Ephron

Entrevista a Camino Casabella

Camino Casabella estivo estas últimas semanas impartindo E. Plástica e Visual ao alumnado de Secundaria. Cando nos contou o proxecto que desenvolve, non quixemos perder a ocasión de compartilo a través do blog.
O seu labor consiste en dar a coñecer, a través da pintura, da cerámica e serigrafía, a mulleres reais, traballadoras e sobre todo ilustrar ás mulleres que loitaron polos seus dereitos ao longo da historia.
Moitos dos obxectivos do seu traballo coinciden coas liñas propostas do noso proxecto de centro ELLA.
Gracias por compartilo con nós. Alegrámonos de que haxa iniciativas como esta.

"Non hai barreira, cerradura nin ferrollo que poidas impoñer á liberdade da miña mente"

Virginia Woolf

ELLA: Hedy Lamarr

Hoxe, 9 de novembro, celébrase o Día Internacional do Inventor en homenaxe á actriz e inventora Hedy Lamarr. É precisamente a figura que o alumnado de 2º de ESO está a investigar na área de Tecnoloxía, a raíz do proxecto de centro ELLA.

A continuación mostramos o vídeo que elaboraron sobre a vida desta pioneira no mundo da telecomunicación.

"Toda a xente creativa busca facer o inesperado"

Hedy Lamarr

ELLA

"ELLA" é o proxecto que vai articular as múltiples actividades da biblioteca e, por conseguinte, de todo o colexio.

A elección do nome veu dada por varios motivos:
 "Ella" que está escrito en lingua inglesa e se pronuncia /ela/,que en galego é o pronome persoal referido ao xénero feminino. A simple vista tamén é a lectura do pronome de terceira persoa na lingua castelá. Por todo este xogo de fonemas, cremos que é o título que mellor pode definir a idea do proxecto.

Seguindo na mesma liña, teremos presente como sinal distintivo na música- timbre do centro a Ella Fitzgerald, muller que logrou reconstruír a historia, levando a convertir o jazz nun xénero popular.

O obxectivo principal é a visibilización e coñecemento das mulleres esquecidas da historia. Nomes femininos que non lograron destacar nos libros de texto e que procuraremos rescatar. Ademais, pretende resaltar o labor das mulleres na contorna do alumnado. 

Entre tod@s poderemos poñer á luz a historia non contada da muller.

"Aventuraríame a pensar que Anónimo, que tantos poemas escribiu sen ser asinados, foi a miúdo unha muller"

Virginia Woolf