Escape room na biblio!

Para conmemorar o Samaín, a clase de 5ºA, organizou un escape room terrorífico!

Foi todo un éxito!

Día do Libro

O pasado venres, celebramos o Día do Libro (aínda que non foi ata o 23 de abril) cun Apadriñamento Lector.
Ese día podías atopar alumnado da ESO contándolle un conto aos máis pequenos ou á inversa...incluso os nosos amigos robóticos contaron varias historias na biblioteca!

Sen dúbida foi un día fermoso e moi entretido.

Aquí podedes ver un resumo da actividade...

  
Tamén temos aquí o vídeo do apadriñamento lector que fixo 5º A de primaria...

Adxectivos simpatiquiños

Hoxe Brian, Jorge e Miguel de 4º da ESO explicaron ao alumnado de quinto de primaria os adxectivos en inglés.

Explicaron que eran e para que servían os adxectivos e dramatizaron palabras como tall, short, mean, rude, intelligent, etc...

Pasárono xenial e seguro que agora xa non se esquecen de algunha palabriña.

 

Os Reis Magos vs Papá Noel

Aquí deixamos o vídeo da obra de teatro que representaron os Axudantes da Biblioteca hoxe.
Bo traballo!
 

Teatro na quinta

Hoxe os Axudantes da bilioteca de 6ºB de primaria interpretarán unha obra teatral escrita e dirixida por eles, titulada Os Reis Magos vs Papá Noel, onde tratarán tamén o tema da migración.

O público ao que vai dirixida é 1º e 2º de primaria pero estades todos convidados a botar un ollo.

Quen gañará???

Historias entretidas

Hoxe, unha historia basada sobre a canción "There was a big grey moose", foi contada na nosa bilioteca polas alumnas de 4ºA da ESO Sheila Dorado Lago, Iria Carabelos Álvarez e Carlota González Alonso.

Esta historia trataba sobre un alce o que lle encantaba o zume de laranxa. Tras ir ao super a compralo resfriouse e cando estaba tomando o medicamento, botouno por riba.

Foi unha historia inventada, divertida, alegre e contada en inglés!!!

O público quedou abraiado...un traballo fantástico!

Recreos diferentes

Hoxe o alumnado de 4ºA da ESO estará no recreo na biblioteca para contarlle aos máis pequenos unha historia creada por eles en inglés!!!

E ao final haberá sorpresaaaa!!!

Que estarán tramando...

Obradoiro de ilustración

A nosa biblioteca foi o escenario dun afortunado encontro, onde os máis pequenos do centro puideron gozar da maxia de contar e crear historias dun xeito diferente.

Os alumnos de 1º de Primaria foron os protagonistas, guiados pola prodixiosa man e polo talento non só artístico, senón tamén comunicador de Xosé Tomás, ilustrador e compañeiro (de profesión?). 

Comezaron facendo un breve percorrido polo proceso de elaboración dun libro, dende o inicio da idea que xorde ata que finalmente o libro chega ás nosas mans. E por fin chegou o momento de converterse en entusiastas ilustradores!  

De xeito lúdico e divertido, participaron dese momento do proceso creador no que palabra e imaxe se unen á imaxinación para contar unha historia.

Os contos da Tartaruga

Na Quinta temos uns contos mois especiais. Foron creados polos compañeiros de 3º B. Elas xa os leron. E TI, A QUE ESPERAS?