Despedímonos cunhas marabillosas recomendacións lectoras!

O Recuncho da Mata, en coordinación coa Quinta dos Libros presentan unhas recomendacións lectoras para o verán. 

Hai para todas as idades e todos os gustos!

 Podedes velas na seguinte presentación de issuu.

 Preme AQUÍ

Despedímonos ata o vindeiro curso. Queremos agradecer a toda a Comunidade Educativa a súa participación e compromiso coa Quinta dos Libros e A Voz da Mata. 

Para todo o equipo da Biblio e da Radio é un orgullo poder facer o noso traballo, independentemente da crise sanitaria que estamos a vivir. Isto é posible grazas a un alumnado marabilloso, unhas familias colaboradoras e un profesorado implicado neste proxecto. En definitiva, unha Comunidade Educativa estupenda!

 GRAZAS E BO VERÁN!

O noso desexo é que en setembro poidamos estar xuntos-as de novo!

Formación para os voluntarios da Radio!

Este ano a Formación Externa da Radio correu a cargo de Charo Pita. Durante todo o confinamento pouidemos gozar de varias das súas producións, que utilizamos para a nosa hora de ler, e dun pequeno obradoiro para pais e nais sobre oralidade e lectura en voz alta.

Como non foi posible realizar as sesións de formación de xeito presencial, Charo fíxonos cinco titoriais que serviron para traballar co voluntariado. Rematamos a experiencia cunha videoconferencia na que participaron os voluntarios da Radio de 3º ESO, coordinados pola profe María Oca.
Grazas a Manuel, María, Marta, Noela e Eva!
 A nosa idea é seguir utilizando ese material para os novos membros da Radio e realizar máis postas en común ao longo do vindeiro curso.

Estamos moi contentos-as coa experiencia.

Grazas, Charo por axudar a que a nosa formación puidera saír adiante, independentemente da situación sanitaria que estamos a vivir.

Rematamos así a actividade da nosa Radio "A Voz da Mata"

Ata a volta das vacacións!

Falemos de libros...(4ª entrega)

Rematamos coa sección "Falemos de libros..." cun programa feito por Joel Lorenzo e Manuel Oliveira. Fálannos de Cartas de inverno e O Grupo, dous libros moi recomendables.

Neste programa de despedida, a profe Bea Varandas, comenta a experiencia destes programas e agradécelle aos seus alumnos-as a boa calidade dos seus comentarios.
Se queredes escoitalo visitade a nosa canle de IVOOX!

Parabéns por esta sección!

Falemos de libros...(3ª entrega)

O alumnado de 4º ESO segue mostrando as súas lecturas deste trimestre.

Nesta ocasión contamos coa colaboración de David Fernández, Xoel, Alejandro Castro, Sandra Lomba e Hugo, coordinados por Bea Varandas.

Fixeron un marabilloso programa na Voz da Mata!

Hoxe temos unha peculiaridade, Xoel e Alejandro comentan o mesmo libro no programa, así tedes unha visión distinta da mesma obra, Made in Galiza!

Podedes escoitar o programa na nosa canle de IVOOX.

Gañadores-as do concurso "Cadáver exquisito"

Logo de moito deliberar pola cantidade tan elevada de bos debuxos que nos chegaron, temos una pequena selección de finalistas do concurso "Cadáver exquisito". Ademais,decidimos entregar algún premio a maiores.

Pero tedes que axudarnos porque alguén premiado-a non está identificado-a!

Parabéns a todos-as, en especial aos gañadores-as: Breixo, Araceli, Vega, Jose Manuel e o anónimo-a!

Cando as condicións sanitarias o permitan faremos a entrega dos agasallos segundo a normativa.

Sobremesas 6º A!

Neste vídeo, o alumnado de 6ºA, mostra o grande talento que teñen como reposteiros-as.

Despídense con esta actividade. Queremos aproveitar desde A Quinta dos Libros e A Voz da Mata para agradecerlles a marabillosa colaboración neste curso tan complicado!

Grazas tamén a Cristina e Ana Flores por coordinar as actividades deste grupo!

O Rosal e contorna, un lugar marabilloso para visitar!

A vila na que vivimos está chea de lugares marabillosos. Vivimos nun paraíso!

 Se a crise sanitaria o permite, O Rosal é un bo sitio para visitar.

O alumnado de 2º ESO, coordinado por Ana Chamosa, fixo uns vídeos promocionais.

Esta é a terceira entrega deses traballos. Esperamos que gocedes cos vídeos e, se non sodes desta zona, visitedes esta fermosura da natureza!

Lara: Ven ao Rolete e xanta un bo filete!

Yajaira: Se queres gozar non o podes dubidar!

Jairo, O curro da Valga!

Ángela, As Aceñas!

Zaira, O Pozo do Arco

India: Visita A Guarda...Destino turístico natural! 

Anabel: Ven a San Miguel á Feira do Mirabel! 

Dafnis: O teu monte e cada día o de máis xente! 

Antía: As Aceñas, un paraíso!

Nerea: San Vicente de Marzán!
 

Promocionamos a nosa terra!

O alumnado de 2º ESO segue a promocionar O Rosal. Aquí tedes os marabillosos vídeos que fixeron estes días, coordinados por Ana Chamosa! Moi bo traballo! 

Uxía presenta as nosas festas!

Alejandro Vicente fálanos dos "Muíños"

Ainoa e San Xoán de Tabagón!

Carlota, O Rosal unha paraxe sen igual! 

Lea: Se queres pasalo ben non o podes perder! 

Alba: "No alto do monte tamén hai arte"

Falemos de libros...(2ª entrega)

O alumnado de 4º ESO realizou un marabilloso programa de radio na Voz da Mata, falando de libros que leron neste terceiro trimestre.

Se o queredes escoitar visitade a nosa canle de IVOOX.

Nesta ocasión participan Andrea Portela, Roberto Fernández, Paula Martínez e Laura Martínez.

Grazas a Bea Varandas por coordinar este traballo!

Club de Detectives 6º A. Último programa!

O Club de Detectives de 6º A fixo un último programa sobre o bocexo.

Grazas a Diego, Soraya, Nico, Borja, Lucía e Manu por compartir o seu traballo con nós.

Podedes escoitar o seu programa na nosa canle de IVOOX. Esperamos que vos guste!

Moitísimas grazas a todo o alumnado de 6º A polo esforzo e traballo, cando estabamos no centro e durante o confinamento.

 Grazas desde o equipo da Voz da Mata!

E tamén queremos dar as grazas a Cristina e Ana Flores por coordinar esta actividade durante todo o ano!

Falemos de libros...

O alumnado de 4º ESO realizou un marabilloso programa de radio na Voz da Mata, falando de libros que leron neste terceiro trimestre.

Se vos gusta ler tedes unhas recomendacións estupendas neste programa.

Se o queredes escoitar visitade a nosa canle de IVOOX.

Grazas a Yásir Martinez, Paula Sobrino, Marcela Otero e Sandra Zarco polas súas achegas.

Grazas a Bea Varandas por coordinar este traballo!

O alumnado de 2º ESO promociona O Rosal!

Se a crise sanitaria o permite, O Rosal é un bo sitio para visitar.

O alumnado de 2º ESO, coordinado por Ana Chamosa, fixo uns vídeos promocionais. 
Mónica presenta a actividade.

 Aquí tedes unha mostra.

Parabéns polo voso traballo!

Se no rural queres vivir, a Acevedo tes que vir!

Román recomenda unha visita a esta boa terra.

Marcos tráenos o slogan seguinte: Praia das Eiras, a verdadeira liberdade!

Adán mostra...As marabillas de Fornelos! 

Brais Puertas...Vinde ás Pozas de Loureza! 

Carla...Un sitio de paz! 

Raquel...Pasa o verán máis divertido na Pesqueira!

"Guan Jondred Dollar!" A última curta do Club de Cine de Adultos!

O Club de Cine de Adultos pecha este curso co visionado dunha nova curta.

Unha produción mexicana. Nestes tempos de crise económica pola Pandemia do Covid-19 presentamos unha curta de Antonio Galicia, Guan Jondred Dollar. É un relato curioso e divertido no que se nos conta a historia de 100 dólares a dar voltas por unha comunidade mexicana chea de tópicos e picardía.
Tal e como se especifica nos créditos da curta, a historia está baseada nunha metáfora que utilizan as escolas de finanzas para exemplificar a activación da economía partindo do crédito. Esta curta vai máis alá e cuestiona se é precisa a banca para que os cartos circulen.

Chegamos así ao final deste curso.

Fixemos un programa sobre esta curta na Voz da Mata.

Se queredes escoitalo visitade a nosa canle de IVOOX!

Pechamos o Blog Cine na Quinta!

Pechamos o noso Blog, "Cine na Quinta" ata o vindeiro curso!

Neste ano incorporamos todas as novidades que mercamos para cubrir as necesidades do alumnado de Primaria e Secundaria, para o Club de Cine de Adultos e para que o cine estea presente na nosa práctica diaria.

Ata o vindeiro curso!

Despedida do Club de Ciencia!

Polo Día Escolar das Matemáticas, o alumnado do CPI probou a facer a Ponte Autoportante de Leonardo, aquí tedes os resultados.

Esta actividade estivo coordinada polo Club de Ciencia. Despídense ata o vindeiro curso con esta estupenda montaxe.

Grazas por compartir as vosas grandes obras con nós!

As candeas de aniversario! Club de detectives 6º A

O alumnado de 6º A estivo investigando sobre a orixe de por que sopramos as candeas de aniversario xa que é un tema moi curioso.

Se queredes saber máis sobre este tema escoitade o programa na canle de IVOOX da Voz da Mata.

"Un experimento" Audioconto para a hora de ler!

Por xentileza da Revista "Principia Kids" temos hoxe un novo audioconto para a vosa hora de ler! 

Titúlase " Un experimento"

Esperamos que vos guste!

 

 

A banda deseñada da túa vida durante o confinamento!

A profe María Oca, co seu alumnado de 2º ESO, traballaron a banda deseñada a partir da experiencia vivida por eles-as durante o confinamento.

Aquí tedes algúns exemplos destes estupendos traballos. 

Grazas a Nerea, María Martínez e India e  por compartir os seus traballos con nós!

Obradoiro Origami!

O alumnado de 6º A, coordinado pola profe Cris, fixo un obradoiro sobre a técnica "origami".

Esta arte consiste no encartado de papel sen usar tesoiras nin pegamento para obter formas variadas.

 Algúns resultados poden considerarse verdadeiras esculturas en papel.

Aquí deixamos os resultados deste obradoiro!

Parabéns! Moi bo traballo! 

"La niña huracán y el niño esponja"

Hoxe temos unha nova entrega de "Contos con Lucía". Trátase dunha historia de Ilan Brenman e ilustracións de Lucía Serrano. Titúlase "La niña huracán y el niño esponja"

Moitísimas grazas ao autor e á ilustradora por deixar que acheguemos esta marabillosa historia ao noso alumnado! Sodes moi xenerosos!

Que gocedes con esta historia na vosa hora de ler!