Escornabots e emocións!

 A profe Sara, está levando a cabo en 4ºB EP, un innovador proxecto sobre as emocións. O alumnado tivo que crear diferentes teatros cos Escornabots e, o máis difícil, expresar emocións.

Todo un reto! Obxectivo acadado! Parabéns!

Escornabots!

 En 4º B EP están a traballar as emocións dun xeito especial.

Escornabots! Aquí tedes un adianto.

Obradoiro "EscornAcordes na Quinta"

 Hoxe 11 de febreiro, festexamos o Día da muller e a nena da ciencia. Non hai mellor día que hoxe para facer un obradoiro que consistiu na creación de melodías e coreografías cos Escornabots.

Almudena Alonso e Miguel Gesteiro conseguiron engacharnos á linguaxe da programación e a robótica.

Foi xenial!

Os escornabots dentro dos contos

Na clase de 3ºA de primaria, levan todo o curso preparando unhas maquetas para que os escornabots se convirtan en personaxes de historias nun escenario recreado polos rapaces e rapazas a partir de cinco contos da biblioteca: "O robot que tiña medo dos nenos e o neno que tiña medo dos robots", "A filla do grúfalo", "Unha fantasma con asma", "O pirata Metepata". Agora xa están preparados para irlle contar as historias a outras aulas!

Os escornabots tamén multiplican!

A clase de 5º A está traballando as táboas de multiplicar cos nosos amigos os escornabots.
Non fallan unha!

Quen o escribiu?

Seguen chegando libros novos sobre o proxecto migrANDO e contamos coa axuda dos escornabots para coñecelos un pouco mellor.

Esta vez o alumnado tiña que acertar o autor de cada libro e programar adecuadamente para que o escornabot chegara o seu destino.

Parece que tivo que dar algunha volta demais! 😋

Proxecto migrANDO cos escornabots

Chegaron libros novos para o proxecto deste curso e que mellor maneira que coñecelos cos escornabots.

Así que elaboramos unha actividade onde o alumnado tiña que relacionar o título do libro cun debuxo (feitos por Noa Pinto de 5ºB de primaria). Para iso, tiñan que botar un ollo aos libros. 

Foi unha tarefa moi doada e divertida!

A casiña dos escornabots

A partir de agora os escornabots xa teñen a súa casa...

Estarán sempre nunha mesa na biblioteca. 

Pronto chegarán actividades novas para traballar con eles...

Poetízate cos escornabots

Nesta actividade escollimos cinco poesías dun libro da biblioteca e partímolas en dous, escribindo cada parte en cadros diferentes do taboeiro.

O alumnado tiña que unir as dúas partes da poesía elexida e facer o traxecto correcto co escornabot.

Esperamos que vos guste!

Buscando libros co escornabot

Cun escornabot e unhas coordenadas, fomos buscando libros (que temos na biblioteca) de escritores e escritoras galegos.

Trátase de asociar un autor co seu libro mediante unhas coordenadas e poñer unha casilla de saída desde a que teñen que partir introducindo a programación de todo o percorrido ata chegar ao libro que se diga ao principio.

Os rapaces de 3º xa programan moi ben!

Que é un Escornabot?

Escornabot é un proxecto de código/hardware aberto que ten por obxectivo achegar a robótica e a programación aos nenos.

O Escornabot básico pode programarse cos botóns para executar secuencias de movementos. A partir de aquí, a imaxinación é o único límite nas posibilidades.

- Eh! Iso que describes semella moito ao Bee-Bot!
- Si, pero moito mellor por varias razóns. Entre elas, vou destacar algunhas:

1. É feito por ti. E os teus alumnos, fillos, primos pequenos... Calquera pode axudar participando no proceso dende o principio. O pracer de construir o teu propio escornabot fai que sexa unha experiencia estupenda, sobre todo se hai nenos participando.

2. É un proxecto de hardware aberto (OSHW) e software libre (FOSS) e podes adaptar as súas características ás túas necesidades: pórlle sensores, leds, cambiar a apertura do ángulo de xiro, a distancia que avanza... calquera cousa que se che ocorra.

3. É (por prezo) máis acadábel que outros robots educativos comerciais. Montar un escornabot pode custar menos de 20€ se sabes onde mercar os compoñentes (por internet). Este prezo non é o seu valor porque leva tempo de traballo e outros custes indirectos (especialmente a impresión 3D das pezas).

Texto collido de escornabot.com

Proxecto escornabot

Xa chegaron os cinco escornabot á nosa biblioteca!
Montamos todos e agora comeza esta aventura que achegará a linguaxe de programación e os robots ao alumnado de primaria.
Poñemos en marcha o Proxecto escornabot na nosa biblioteca.

Os rapaces e rapazas de 3ºA tamén montaron un dos robots:

Montando escornabots na biblioteca

Que é un escornabot?

Escornabots na quinta dos libros

O noso centro foi seleccionado para participar no Proxecto piloto ESCORNABOTS NA BIBLIOTECA ESCOLAR, para a introdución dos robots e da linguaxe da programación nas bibliotecas escolares nos centros integrados no Plan de Mellora de bibliotecas escolares.