Club de Cine Adultos!

 Hoxe tivemos unha sesión moi especial!

Fixemos o visionado da película "Maixabel", unha marabillosa película española do ano 2021.

 

Boa película e intenso debate cheo de emocións!

Grazas a ANPA do CPI pola  súa colaboración na organización da actividade.

"Guan Jondred Dollar!" A última curta do Club de Cine de Adultos!

O Club de Cine de Adultos pecha este curso co visionado dunha nova curta.

Unha produción mexicana. Nestes tempos de crise económica pola Pandemia do Covid-19 presentamos unha curta de Antonio Galicia, Guan Jondred Dollar. É un relato curioso e divertido no que se nos conta a historia de 100 dólares a dar voltas por unha comunidade mexicana chea de tópicos e picardía.
Tal e como se especifica nos créditos da curta, a historia está baseada nunha metáfora que utilizan as escolas de finanzas para exemplificar a activación da economía partindo do crédito. Esta curta vai máis alá e cuestiona se é precisa a banca para que os cartos circulen.

Chegamos así ao final deste curso.

Fixemos un programa sobre esta curta na Voz da Mata.

Se queredes escoitalo visitade a nosa canle de IVOOX!

Cineforum: "A dous metros de distancia"

O Club de Cine de adultos estivo traballando a partir da curta: "A dous metros de distancia. Máscaras expresivas", obra de Alfonso Rodríguez Naranjo e María Díaz Megías. Unha historia de dúas persoas maiores en tempos da pandemia do coronavirus.

Deu moito xogo! O Club de Cine fixo un cineforum na Voz da Mata que non ten desperdicio.

 Se queredes escoitalo visitade a nosa canle de IVOOX.

Grazas a Bea, Elvira, Inma, Lola, María, Mónica, Rita, Pili e Rosaura pola súa participación!

Club de Cine Adultos na Voz da Mata!

Os membros do Club de Cine de Adultos están a visionar, desde as súas casas, distintas curtametraxes propostas polas coordinadoras da actividade. 

Realizaron un cineforum a través da nosa Radio, A Voz da Mata, que podedes escoitar na nosa canle de IVOOX.

A curtametraxe traballada nesta ocasión foi "Pipas".

Esperamos que vos guste o noso programa!

Sesión cine adultos. "Mientras dure la guerra"

Hoxe tivemos sesión de cine de adultos coa película "Mientras dure la guerra" de Amenábar. 

Unha marabilla de sesión e debate!

Grazas á ANPA  por participar e colaborar activamente na actividade!

Nova sesión do Cine de Adultos!

O xoves 28 de novembro, tivo lugar unha nova sesión do Club de Cine de Adultos. A película escollida foi Cafarnaúm. Tivemos un bo debate e falamos de moitos temas. Á volta do Nadal teremos a seguinte sesión. 

Grazas á ANPA pola súa colaboración e implicación nesta actividade!

Primeira sesión de cine para adultos!

Onte comezou de novo O clube de Cine de adultos co visionado da película "Carmen e Lola". 

Esta proxección está enmarcada dentro do proxecto VÍA. Foi unha tarde-noite estupenda con bo cine, boa merenda e un faladoiro interesantísimo. En decembro xuntarémonos de novo para gozar do bo cinema!

Grazas á ANPA por colaborar sempre nesta actividade!