Aula Croma!

 Pechamos a Semana das Bibliotecas Escolares 2021 cunha actividade espectacular!

Temos a nosa primeira produción croma e estamos moi contentos-as!

Un soño feito realidade!

Isto é o comezo de moitas producións máis.

Grazas a María (titora de 4º B EP) e a Sofía (Profe de EP EP) por botar a andar a aula! 

Parabéns! Moi bo traballo!

 Grazas a todos-as os que participaron nas actividades desta semana tan especial!

Proxecto "Sen máscaras". María.

 Seguindo co noso Proxecto "Sen máscaras", hoxe visitou a nosa radio a profe María. Ela é titora de 4º B EP.

 Este é o seu primeiro curso no centro e esperamos que sexan moitos máis xa que é de Oia e vive agora na nosa vila.

 María ten unha familia moi numerosa. O seu pai é profe coma ela e a súa nai perruqueira.

Encántalle ir pasear ao monte co seu can, ler e os deportes acuáticos.

 Gústanlle as pelis de Marvel.

É moi perseverante e loitadora!

Gustaríalle, nun futuro, dar clase na universidade para formar a novos-as profes!

Se queredes saber máis cousas de María premede AQUÍ.

No seguinte vídeo tedes unha mostra desta fantástica entrevista!

 Grazas a Martín e a Laura por ser uns reporteiros fantásticos!

 E grazas a María por colaborar neste proxecto!

Proxecto "Sen máscaras". Alba!

 Hoxe fixémoslle unha entrevista, na Voz da Mata, a Alba, a profe de 5º A EP.

 Os reporteiros foron Martín e Suevia, dous alumnos da súa titoría.

 Dentro do noso Proxecto "Sen máscaras" quixemos coñecer a Alba un pouquiño mellor.

Alba é de Vedra, un pequeno concello que está preto de Santiago de Compostela. 

Contounos que quere e bota moito de menos á súa familia.

 Ten dúas cadelas que se chaman Siba e Cora.

O sei pai é músico e cantante. Grazas a el coñeceu unha canción que é das súas favoritas: "Here comes the sun" dos Beattles.

 Gustarialle nun futuro ser nai e rematar un doutoramento que ten pendente.

Se queredes saber máis dela escoitade a entrevista completa premendo AQUÍ.

No seguinte vídeo podedes ver un anaquiño da entrevista de Alba.

 Grazas a Suevia e Martín por unha entrevista fantástica!

 E grazas a Alba por colaborar co Proxecto "Sen máscaras" e estar sempre disposta a participar en calquera actividade da nosa Radio!

Proxecto "Sen máscaras" Esteban!

 Hoxe estivo, na Voz da Mata, o profe Esteban. 

 Chegou novo este ano e está definitivo no centro. É profe de Lingua Castelá na ESO.

 Foi entrevistado por dúas alumnas da súa titoría, Ainoa e Zaira, unhas fantásticas reporteiras de 4ºESO.

 Contounos que lle gusta moitísimo facer deporte, practica moitas disciplinas.

Gústalle moito ler e tamén escribe. Está a piques de rematar a súa primeira novela!

É moi familiar e goza dos bos momentos con eles e cos amigos!

Gústalle moito a música! "Héroes del silencio" es uno de sus grupos favoritos.

Se queredes escoitar a entrevista completa premede AQUÍ.

No seguinte vídeo podedes ver un adianto da entrevista de Esteban!

 Moitísimas grazas a Ainoa e Zaira por unha estrevista estupenda!

E grazas a Esteban por ser tan xeneroso con nós e contarnos cousas tan importantes para el.

Contacontos musicado!

 O voluntariado da Biblio de 5º A de EP, fixo hoxe unha sesión de contacontos moi especial!

 A música acompañou a contada!

Unha experiencia preciosa!

Seguimos traballando o noso PDI "O acorde da Quinta" no marco da Semana das Bibliotecas Escolares!

Parabéns! Moi bo traballo!

Con amor, Simon!

 Hoxe sesión de cine VIA na Quinta!

Obradoiro de Ilustración e Música!

 Hoxe, o alumnado de 3º EP participou nun obradoiro de Ilustración e Música a cargo de Xosé Tomás.

 Foi moi divertido! Escoitando música reflectimos no papel o que ela provocaba en nós! 

Foi xenial!

 

Taller de Rock na Mata!

 Hoxe tivemos na Mata a visita dun grupo de rock moi "auténtico".

O  alumnado de 4º A EP recibiu a visita de tres lendas do rock. Aprenderon os diferentes instrumentos que forman parte dunha "verdadeira" banda: a batería, o baixo e a guitarra.

 Ademais puideron coñecer grupos lexendarios, coma Os Rolling Stones, The Kiss, AC DC, The Queen...ou a cantantes coma Elvis Presley.

 

  Xogaron a recoñecer os grupos e as cancións e o resultado foi espectacular. Son uns auténticos especialistas en música rock. 

 Abride a orella para escoitar todo o que se fixo.

 

O taller de rock está en marcha. Seguiremos informando!

Proxecto "Sen máscaras". Laura!

 Hoxe estivo na nosa radio, A Voz da Mata, a profe Laura. Dous alumnos seus, Cibrán e Manu, fixéronlle unha entrevista no marco do Proxecto "Sen máscaras" que estamos a realizar no CPI.

Foto de Paula G.Robaliza Comunicación"

 Laura contounos moitas cousas interesantes. 

 Ten unha saga favorita de libros "Los caminantes", trata sobre os derradeiros días da nosa civilización tal e como a coñecemos. Vai de pandemias e de mortos vivintes!

 Está moi orgullosa da súa familia e as cadelas son a súa paixón!

Practica CrossFit!

Se queredes escoitar a entrevista completa premede AQUÍ.

Nos seguinte vídeo tedes un adianto da entrevista a Laura!

 Moitas grazas a Laura por participar neste proxecto.

 Moitas grazas a Cibrán e Manu, de 2º ESO A, por ser uns reporteiros fantásticos!

Proxecto "Sen máscaras". Tere.

 Hoxe estivo na Voz da Mata a profe Tere. Ela leva moitos anos no noso centro e, neste curso, é titora de 4º EP.

 Tere participou no noso Proxecto "Sen máscaras" sendo entrevistada por Sara e Alejandro.

Contounos moitas cousas. É de Pontevedra e ten tres fillos: Manuel, Noa e Cibrán.

 Encántalle ler e un dos seus libros favoritos é "Cien años de Soledad".

A súa película favorita é "Stand by me" de 1986.

Adoita escoitar moita música e, nos últimos tempos, goza coa que lle gusta a súa filla, como por exemplo a do grupo "Marea"

Se queredes escoitar a entrevista completa premede AQUÍ.

No seguinte vídeo tedes un pequeno adianto do que foi esta experiencia con Tere, Sara e Alejandro.

Grazas Tere por unha entrevista estupenda!

Grazas a Sara e a Alejandro por ser uns reporteiros marabillosos!

Obradoiro de creación de letras de cancións!

 No marco do noso PDI, "O acorde da Quinta", estamos a realizar un Obradoiro de creación de letras de cancións!

Zaira, de 4º ESO, escribiu unha canción sobre unha historia verídica de Xapón. Hai xente alí que abandona bebés nos estoxos das estacións de metro para que os recollan os vixiantes.

A letra de Zaira trata dun neno que deixaron e foi recollido por un garda de seguridade que, finalmente, quedou co bebé.

Carlos, Marta e Tomás cantan un fragmento dunha tradución ao inglés que Zaira fixo.

Neste momento presentamos o making-off da actividade.

 Nunha segunda parte, Zaira gravará, na Voz da Mata, uns versos en xaponés que irán superpostos nunha das partes instrumentais da peza.

Aquí tedes o adianto deste obradoiro!

Esperamos que gocedes con el!

 

 

Tardes na Quinta! Cine na Quinta!

Hoxe pasamos unha tarde estupenda!

Quedamos a xantar no cole e vimos a película "Cruella", unha novidade da Quinta para o alumnado da ESO!

 Por fin retomamos as nosas sesións nas que convivimos e compartimos unha película!

Grazas ao alumnado participante.

 Sodes xeniais!

Peli VÍA! Especial Semana das Bibliotecas Escolares!

 Mañá pola tarde, o alumnado de 3º ESO, vai ter unha sesión de cine VÍA para festexar a Semana das Bibliotecas Escolares.

"Con amor, Simon"

 

Sesión inicial do Club de Lectura ESO! O Librako!

 Hoxe, no recreo, tivemos a sesión inicial do Club de Lectura ESO, O Librako!

Foi un éxito de convocatoria! 

Temos un grupo estupendo co que traballaremos moitas e boas lecturas, recuperando as sesións presenciais!

 Grazas a Eva e María por coordinar esta actividade!

Proxecto "Sen máscaras". Nacho.

 Hoxe estivo Nacho na Voz da Mata. 

É o profe de EF na ESO e está moi contento de estar no noso centro.

 Ángela e Antía, de 4ºESO, fixéronlle unha fantástica entrevista na Radio e  contestou a moitas cuestións interesantes.

 Nacho é de Vigo, os seus pais tamén son profesores de Secundaria.

 Como era de esperar, xoga ao baloncesto e goza moito co deporte!

Afortunadamente ten vivido máis cousas positivas que negativas.

 Gústalle moito James Brown!

Recoméndanos "Sapiens", unha das súas últimas lecturas! 

Se queredes saber máis cousas de Nacho e escoitar a entrevista completa premede AQUÍ.

No seguinte vídeo tedes un adianto da entrevista.

 Grazas a Ángela e Antía por unha entrevista estupenda, e a Nacho por participar neste Proxecto!

 

Semana das Bibliotecas Escolares! Decoración e exposición de novidades.

 Hoxe comezamos esta semana tan especial!

 Temos os corredores decorados para esta grande ocasión. E xa están expostas as nosas novidades!

 No seguinte vídeo podedes velo todo!

Quedou moi chulo!

Parabéns!

 A nosa mascota, Librako, mergullándose nos libros!

Non hai mellor xeito de comezar a semana!

 

Manual de uso da Radio!

 Xa tedes na Voz da Mata o "Manual de uso da Radio", para facerdes programas de xeito autónomo!

 Así nunca esqueceredes ningunha cousiña!

Hora de ler!

 Así foi a nosa hora de ler hoxe, na ESO!

Proxecto "Sen máscaras". Berta!

 A profe Berta estivo hoxe na Voz da Mata para contarnos, sen máscaras, moitas cousas dela.

Yésica e Greta, de 2º C, foron as encargadas de facerlle unha entrevista estupenda!

Contounos que é da Coruña, que o seu pai tamén foi profe de Física e Química e que ten moitos soños por cumprir.

 Gústalle analizar todo e buscar a lóxica das cousas, pero iso non é sempre posible!

Coco é unha das súas películas favoritas e goza coa lectura de novelas históricas!

 Se queredes saber máis cousas escoitade a entrevista completa premendo AQUÍ.

No seguinte vídeo tedes un adianto da entrevista con Berta!

Grazas a Yésica e Greta por ser unhas fantásticas reporteiras!

 E grazas a Berta por colaborar neste proxecto tan especial!

Esta semana no noso timbre soará...

 

Música relacionada coas actividades programadas para a "Semana das Bibliotecas escolares".