Bulevar Antonio García Teijeiro

O xoves, día 17 de xuño, o alumnado de 4º de EP tivo a honra de coñecer e desfrutar do poeta Antonio García Teijeiro.

Unha marabillosa e divertida experiencia que levou a profesorado e alumnado a construír pequenos versos dun xeito construtivo a partires dunha palabra elexida ao azar polo alumnado.

Fantástico obradoiro da poesía que converteu ao alumnado e profesorado en poetas en momentos de maxia coas palabras.

Nos derradeiros momentos da actividade sorprendemos ao escritor cunha placa conmemorativa para darlle nome ao novo recuncho da Mata: O Bulevar Antonio García Teijeiro.

GRAZAS, Antonio García Teijeiro!!!

Actividade organizada polo Club de Letras.

Preme aquí se queres ver máis fotos e vídeos da actividade. 

DÍA DA POESÍA: Visita de Antonio García Teijeiro

Para celebrar o Día mundial da poesía tivemos o privilexio de contar no centro con Antonio García Teijeiro, galardoado recentemente co Premio Nacional de Literatura Infantil e Xuvenil. 

Acompañounos durante toda a mañá e impartiu un Obradoiro de poesía ao alumnado de 4º de primaria, no que fixeron un poema moi fermoso. 

A continuación, no recreo, recitounos varios dos seus poemas e presentounos o seu amigo MAAAARTIÑO!! Esta parte da sesión foi aberta a todo o alumnado do centro.

Para rematar o día,  foi entrevistado na radio por catro alumn@s de 4º de primaria: Daniela, Antía, Uxía e Nicolás.

Podedes escoitar a entrevista a través do ivoox de a Voz da Mata ou premer neste enlace. 

Estamos moi agradecidos por todo o vivido nesta gran xornada de convivencia e poesía!

MOITAS, MOITAS GRAZAS!

Ademais destas actividades, @s alumn@s de 2º de primaria coñeceron a Antonio en persoa e despois, xa na súa aula, escribiron poemas nunha folla, fixeron papiroflexia (avións), decoráronos e botáronos a voar no xardín da biblioteca. 

Cada alumn@ levou a súa poesía feita para a casa. Unha poesía feita por outro compañeir@, metidiña dentro dun avionciño de papel.

QUE DÍA TAN XENIAL!