Concurso Día da Paz!

 Antía, Martín e Tomás son os gañadores do Concurso do Día da Paz da materia de Lingua Castelá en 1º ESO A.

Parabéns! 

 

Concurso "Quen son?"

 Concurso 4º B ESO do PDI, "Quen son?"

As nosas gañadoras son Alba e Ainoa!

E en 4º C ESO os gañadores son Jorge e José! 

Parabéns!

 

Concurso "Cine na Quinta" en 6º A EP!

 Parellas gañadoras do Concurso "Cine na Quinta" de 6º A de Primaria!

Houbo un empate de dúas parellas!

Evelyne e Eva, Alba e Rubén.

Parabéns e grazas a todos-as por participar!

Corcurso "Cine na Quinta" en 6ºB!

 Hoxe, o alumnado de 6º B quixo probar sorte co Concurso Cine na Quinta!

Foi todo un éxito!

Houbo moitos acertos adiviñando nomes de actores e actrices!

Pasámolo xenial! Grazas ao alumnado de 6º B por participar e a Elvira por coordinar a actividade.

 As gañadoras foron Ainoa e Sara! Parabéns!

Parellas gañadoras "Cine na Quinta"

 

Parabéns!

Mañá recibiredes un agasallo da Quinta dos Libros!

Facemos unha mención especial a Ángela e Alba de 3º B ESO por facer un pleno de acertos! Máquinas!

Concurso "Cine na Quinta"

 Rematamos os concursos na ESO, por este curso, adiviñando os nomes de actores e actrices partindo duns debuxos.

Hoxe no recreo, gran parte do alumnado da ESO participou por parellas.

 

Pasámolo moi ben!

 Para o vindeiro curso máis!

En breve anunciaremos as parellas gañadoras!

Grazas a todos-as por participar!

Concurso para o alumnado do Club de Lectura!

 Hoxe houbo sesión do Club de Lectura a través da plataforma Webex.

Xurdiu unha proposta de actividade: Concurso de ilustración e slogans prurilingües!

 Animádevos a participar!

Concurso de Moda!

 O alumnado de 2º ESO participou no Concurso de Moda organizado pola Biblioteca en relación ao noso PDI deste curso: A Quinta vai á moda!

 

Nas clases de Tratamento da Información, coa profe María Oca, puxeron a proba os seus coñecementos sobre o mundo da moda.

Parabéns aos gañadores-as!

Gañadores-as do concurso "Cadáver exquisito"

Logo de moito deliberar pola cantidade tan elevada de bos debuxos que nos chegaron, temos una pequena selección de finalistas do concurso "Cadáver exquisito". Ademais,decidimos entregar algún premio a maiores.

Pero tedes que axudarnos porque alguén premiado-a non está identificado-a!

Parabéns a todos-as, en especial aos gañadores-as: Breixo, Araceli, Vega, Jose Manuel e o anónimo-a!

Cando as condicións sanitarias o permitan faremos a entrega dos agasallos segundo a normativa.

"Un libro, unha inspiración" Gañadores-as!

O equipo de Dinamización Lingüística do CPI Manuel Suárez Marquier organizou, co gallo da celebración da Semana das Letras, o concurso fotográfico "Un libro, unha inspiración"

A resposta do alumnado foi excepcional, a calidade das dezasete fotografías que chegaron para cada unha das categorías, excelente. Unha marabilla cada unha delas. Por esa razón a escolla dos premiados e premiadas estivo tan disputada que mesmo optamos por premiar ex aequo dúas fotografías da categoría 1º e 2º da ESO e outras dúas na categoría de 3º e 4º da ESO. 

Os nomes das gañadoras e gañadores son:

Categoría:1º e 2º ESO (ex aequo)

 Pablo Rodríguez Otero - 1º ESO B

Soraia Iglesias Silva - 2º ESO B

Categoría:3º e 4º ESO (ex aequo)

Alba Fernández Acevedo - 4º ESO C

Laura Martínez Pérez - 4º ESO C

Categoría: "A Quinta do Minho" 

Araceli Rodríguez Maceiras - 3º ESO B

 

Debido á situación de excepcionalidade que estamos a vivir, os premios serán entregados no mes de setembro, sempre que as condicións sanitarias o permitan.

Parabéns a todas e todos!!! 

Viva o galego e a creatividade!!!

Un libro, unha inspiración!

O Equipo de Dinamización Lingüística do CPI Manuel Suárez organizou o concurso fotográfico-literario "Un libro, unha inspiración" co gallo da celebración da Semana das Letras.

Chegáronnos excelentes fotografías, que ides poder admirar no vídeo que vos preparamos.

Agradecemos moitísimo a participación de todo o alumnado que nos fixo chegar as súas creacións. Elas e eles son:

Lucía Alfaya Rodríguez - 1º ESO A

Pablo Rodríguez Otero - 1º ESO B 

Vega Carabelos ÁLvarez - 1º ESO B

Alba Álvarez Pérez - 2º ESO C

Icía González Pérez - 2º ESO B

India González Álvarez - 2º ESO B

María Martínez González - 2º ESO A

Marcos Olivier Mera - 2º ESO C

Nerea Domínguez Ferreira - 2º ESO PMAR

Soraia Iglesias Silva - 2º ESO C

Yajaira Rodríguez Gómez - 2º ESO A

Araceli Rodríguez Maceiras - 3º ESO B

Arantxa Baz Treinta - 3º ESO A

Eva Rodríguez Sánchez - 3º ESO A

Alba Fernández Acevedo - 4º ESO C

Laura Martínez Pérez - 4º ESO C

Ao longo da próxima semana revelaremos os nomes das gañadoras e dos gañadores. 

Estade atentas e atentos a este blog.

Viva o galego e a creatividade!!!

Concurso: Un libro, unha inspiración!

BASES CONCURSO UN LIBRO, UNHA INSPIRACIÓN

O CPI Manuel Suárez Marquier, a través do Equipo de Dinamización Lingüística, propón para a Semana das Letras, o concurso fotográfico-literario titulado “Un libro, unha inspiración”, dedicado a fomentar a lectura en lingua galega, a creatividade e a estética. Coas fotografías que seleccione o Xurado, montarase un vídeo que se subirá ás redes que administra o CPI.

1. Participación

Está dirixido a todo o alumnado de ESO, desde 1ºESO a 4ºESO, do CPI Manuel Suárez Marquier. A participación será individual. Establécense dúas categorías:

• 1º e 2º ESO. Poderá participar o alumnado que durante o curso 2019-2020 curse estes niveis.
• 3º e 4º ESO. Poderá participar o alumnado que durante o curso 2019-2020 curse estes niveis.
• Establécese unha categoría especial para aquelas fotografías que se poidan relacionar coa temática do proxecto da biblioteca, A Quinta do Miño, sobre o noso río (nesta categoría serán valorados os traballos que inclúan elementos relacionados co río: flora, fauna).
  
  
  

2. Tema do concurso

O tema do concurso é fotográfico-literario. Por unha banda, procúrase promover a creatividade e a estética; por outra banda, procúrase o fomento da lectura en lingua galega.

Este concurso consiste en realizar unha fotografía artística en que ten que aparecer obrigatoriamente retratada a portada dun libro escrito en galego, e non é preciso que apareza fotografada a persoa. Trátase de que fagas a imaxe en lugares non habituais (no canastro, no campo, no eirado, no adro, no río, nunha árbore…), con barba, con lentes, con vestido de época, con parasol… con calquera elemento que ti imaxines, así que non se admitirán fotografías convencionais en sofás, escritorio, pupitres etc. Deixa voar o maxín e tira a fotografía máis incrible e enxeñosa de todas: a super fotografía. Tes liberdade absoluta para nos mostrar a túa creatividade sen que resulte ofensiva. Ademais esa imaxe debe ir acompañada dun lema que fomente a lectura dos libros en galego.

3. Presentación de fotografías

As fotografías presentaranse en formato JPG e enviaranse á conta de correo electrónico galegoamata@gmail.com, galegorosal@gmail.com ou lgh@edu.xunta.gal , indicando no asunto da mensaxe “Un libro, unha inspiración”. As imaxes que se presenten deben ser orixinais e non ter sido premiadas en ningún outro concurso.

No corpo do correo electrónico deberán achegarse os seguintes datos:

• Título da fotografía
• Un lema que fomente a lectura en galego e que se relacione con esa fotografía. Este lema debe ser curto (máximo 10 palabras). Por exemplo: Vive en galego; Divírtete en galego; O galego, o teu ser.
• Nome e apelidos do autor/a
• Curso

Serán descartadas aquelas imaxes que non cumpran cos requisitos establecidos nestas bases. A organización poderá decidir se a calidade e contido das imaxes se adecúa aos criterios do certame.

4. Prazo de presentación

O prazo de presentación de fotografías comeza o día 2 de maio e remata o 10 de maio de 2020 ás 20.00 h.

5. Premio

Establécese un premio para cada categoría. Os premios serán entregados ao final do estado de alarma e seguindo todos os protocolos de prevención sanitaria.

6. Xurado

O xurado estará integrado por profesorado do CPI.

7. Decisión do concurso

O resultado do concurso será publicado, xunto co vídeo final, na web do centro, no blog da Quinta dos Libros e nas redes sociais do centro.

CONCURSO! O CADÁVER EXQUISITO: XOGUEMOS A IMPROVISAR

 O cadáver exquisito é un xogo en grupo de orixe literaria que consiste en que cada persoa escriba unha palabra, unha frase, faga un debuxo ou unha colaxe, sen ver a totalidade do escrito ou deseñado polo xogador anterior. 

A técnica introduce o automatismo e o azar no proceso creativo. Facelos é sinxelo (PODEDES VER O VÍDEO ANTERIOR): 

• Nun papel, un dos participantes debe anotar una palabra,unha frase sinxela, un debuxo, unha colaxe ou unha mestura de todos eles. 
• A continuación, esa parte é ocultada mediante un pequeno dobramento e outra persoa continúa a frase sen saber o que fixo a anterior, ou podendo ver só o final do que escribiu o xogador anterior.
• Así ata rematar o papel.
• Podedes colorealo mentres o facedes, ou todo xunto ao final.

DESDE O COLE PROPOÑEMOS UN NOVO CONCURSO UTILIZANDO ESTA TÉCNICA.

AS BASES DO CONCURSO PODÉDELAS DESCARGAR NESTE ENLACE.

UN ANACO DE HISTORIA DESTA TÉCNICA:

Foi unha técnica popularizada polos surrealistas nos anos 20 do século pasado, baseado nun antigo xogo de mesa chamado consecuencias. O nome deriva da frase que xurdiu a primeira vez que se xogou (foron os artistas Robert Desnos, André Bretón e Tristán Tzara): “Le cadavre – exquis – boira – le vin – nouveau” (O cadáver exquisito beberá o viño novo).

A idea de que a historia da arte non é mais ca unha continua reelaboración de dous ou tres temas fundamentais (que son para o poeta Juan Rulfo o amor, a vida e a morte) é a base do cadáver exquisito: toda creación é, segundo esta tese, nada máis que pequenos fragmentos dunha grande obra colectiva, que facemos coa ilusión da individualidade. 

Os primeiros cadáveres foron feitos na escrita, pero pronto se estenderon a outros ámbitos. No debuxo fánse imaxes alucinantes, figuras imposibles, froito da ensamblaxe das diferentes imaxinacións, como o feito en 1928 por Man Ray, Yves Tanguy, Joan Miró e Max Morise, (asemellan as figuras que pululan polo Xardín das delicias, do Bosco).

Pódese practicar mandando por correo un debuxo ou unha colaxe aos xogadores, por etapas progresivas, ou cadáver exquisito por correo (aparentemente, sen importar se o xogo realmente viaxa por vía postal ou non).

O cineasta Apichatpong Weerasethakul fai un experimento cinematográfico inspirado neste xogo: Mysterious Object at Noon (en película de 16mm, a rodaxe desenvólvese durante tres anos en distintos lugares de Tailandia no 2000, https://vimeo.com/22927897.

E mirade que actividade divertida de cibercadáver exquisito atopei buscando exemplos na rede: https://cadernodelingua.wordpress.com/2008/05/24/alguns-cibercadaveres-exquisitos/

Quen son?

O alumnado de 6º A ten un reto para as vacacións.

Teñen que recoñecer @s seus compañeir@s neste video de cando eran pequeniñ@s.

Queredes xogar?

Tamén hai dúas profes!

Gravación dos relatos de terror do concurso A Voz da Mata

Onte gravamos, na Voz da Mata, os dous Relatos de Terror gañadores no concurso organizado pola nosa Radio entre o alumnado de 5º e 6º EP.

Son dous relatos que dan moito medo! Ideais para esta semana do Samaín.

Parabéns as nosas pequenas escritoras!

Se queredes escoitar o programa, entrade na nosa canle en IVOOX.

Entrega de Premios do Concurso de Relatos de Terror da Voz da Mata

Xa fixemos entrega dos premios do II Concurso de Relatos de Terror da Voz da Mata. 

As gañadoras quedaron moi contentas co seu agasallo. Tamén gravarán os seus relatos na Radio. Poderedes escoitalos en IVOOX.

Parabéns rapazas! 

Grazas por participar!

Concurso de relatos de terror

Desde a equipa de biblioteca e desde A Voz da Mata, convocouse un concurso de relatos terroríficos para 5º e 6º de primaria. 

A verdade é que o nivel foi moi alto... pero as gañadoras son....

Podedes ler os seus relatos a continuación.

Gañadores concurso de Fotografía e texto

Despois dunhas duras votacións e de decorar o cole con todos os textos e fotos participantes os gañadores son: 

Concurso de fotografía e texto

Dende a equipa de biblioteca, propúxose un concurso de Fotografía e Texto en relación co noso proxecto "Quinta do Minho", para conmemorar o día da biblioteca que se celebra o 24 de outubro.

As bases do concurso foron as seguintes: 

 

Neste concurso participou practicamente todo o alumnado do colexio, enchendo o cole de fotos e textos marabillosos! 

Parabéns para tod@s! Fixestes un traballo precioso!

O cole está fermosísimo!

Queredes velos? 

No seguinte vídeo tedes o resultado.

Entrega de premios

A semana pasada foi a entrega de premios do concurso de adiviñar escenas de películas.

Parabéns aos premiados!