Entrevista a Ángela Portela!

 Hoxe tivemos na Voz da Mata a Ángela Portela, unha alumna do noso CPI de 4º ESO!

 Estivo con Yasmine e Hugo, de 6º EP, para falar da súa carreira no mundo do balonmán.

Na actualidade forma parte da Selección Galega e é unha grande promesa do mundo do balonmán.

Foi un pracer que estivera hoxe con nós.

Se queredes escoitar a entrevista premede AQUÍ.

 Parabéns Ángela polos teus éxitos deportivos dos que estamos moi orgullosos-as no teu cole!

Aquí tedes un adianto da entrevista!

E grazas a Yasmine e Hugo por facer esta magnífica entrevista!

Entrevista a Arantxa 3º ESO!

 Hoxe, Álex e Manu de 4º B EP, fixéronlle unha entrevista a Arantxa Gómez, alumna de 3º ESO, que gañou o Campionato Galego de Enduro!

Unha entrevista moi interesante que podedes escoitar premendo AQUÍ.

Grazas a Álex e Manu por ser uns fantásticos reporteiros!

Auí tedes un adianto da entrevista:

Parabéns Arantxa, estamos moi orgullosos-as de ti!

Amelia Tinagus!

 Hoxe tivemos o pracer de recibir no CPI a Amelia Tiganus, unha muller extraordinaria que nos falou da prostitución, da violencia contra as mulleres, das violacións, da pornografía...Temas nos que ela é experta. 

Feminista, escritora, formadora, divulgadora e defensora do abolicionismo da prostitución e da pornografía, compartiu a xornada de hoxe co alumnado de 3º ESO.

Unha gran experiencia para todas e todos!

Tamén visitou a Voz da Mata. Se queredes escoitar a entrevista que lle fixeron Vega e Danae, premede AQUÍ.

Foi un pracer contar con ela na nosa Quinta!

Tamén coñeceu o noso grupo VÍA!

Grazas a Yolanda do CIM e Sandra (Educadora Familiar do Concello do Rosal) por facelo posible!

Proxecto Sen máscaras. Fátima!

 Hoxe estivo na Voz da Mata a profe Fátima.

 Foi entrevistada por Blanca e Dani de 5º A EP, no marco do noso Proxecto "Sen máscaras".

Falounos de moitas cousas!

Fátima é de Lugo e procede dunha familia de mestres-as!

Cando lle deron a praza no Rosal levou un gran susto pero agorá está encantada de estar aquí.

 Goza co deporte pero fai menos do que realmente lle apetece!

"El club de los poetas muertos" é unha das súas pelis favoritas e The sound of silence (Simon and Garfunkel) é unha canción que escoita habitualmente.

O seu soño é dar a volta ao mundo!

Se queredes escoitar a entrevista completa premede AQUÍ. 

No seguinte vídeo podedes ver un adianto da mesma.

 Grazas a Blanca e Dani por ser uns reporteiros fantásticos!

Grazas Fátima por unha entrevista estupenda e moi divertida!

Entrevista PDI!

 Hoxe, os voluntarios da Voz da Mata, María e David de 2º ESO C, fixeron unha magnífica entrevista sobre a moda, tema central do PDI deste curso.

 Podedes escoitala na nosa canle de IVOOX, na Aula Virtual do CPI ou premendo AQUÍ.

Aquí tedes un adianto.

 Esperamos que vos guste!

Grazas a María e David por participar!

Entrevista á nosa Coordinadora da Biblioteca, María Oca!

Nestes días, a nosa Coordinadora da Biblioteca, María Oca, foi entrevistada a través do Instagram pola alumna Sandra Zarco, de 4º ESO, e Ana Rodríguez, unha muller moi polifacética que é bibliotecaria e fotógrafa. Vive en Santander e está colaborando con nós en diversas actividades culturais.

Sandra e Ana están a facer unha serie de programas nos que entrevistan  persoas interesantes que desempeñan un labor importante en distintas profesións.

O seu programa chámase "Merienda con Sandra & Ana".

Deixámosvos aquí a entrevista a María Oca. É moi interesante!

Esperamos que vos guste.

Grazas a Sandra, Ana e María por compartir con nós a súa merenda!

Rosa Aneiros na Voz da Mata!

Hoxe tivemos o pracer de entrevistar na Voz da Mata a Rosa Aneiros, escritora e xornalista.

Falamos da súa traxectoria persoal e profesional.

Podedes escoitar a entrevista na nosa canle de IVOOX.

Parabéns aos rapaces e rapazas de 1º ESO por este traballo!

Érica Esmorís na Voz da Mata!

Hoxe tivemos na Voz da Mata a Érica Esmorís, autora do libro Nena e o mar!

Os nenos-as de 6º A fixéronlle unha fantástica entrevista na radio na que falaron do seu libro, dos premios da autora, da súa traxectoria persoal e profesional...

Grazas a Érica pola súa colaboración coa Voz da Mata!

Se vos interesa podedes escoitala na nosa canle de IVOOX.

Visítanos Antía Yañez

A semana pasada tivemos a sorte de ter na nosa Quinta dos libros a Antía Yañez. É unha escritora galega que no 2018 gañou o premio Illa Nova co seu libro Senlleiras. É unha historia de dúas mulleres: Alana (moza pobre), e Alda (influencer), en tempos diferentes -comezos do século XX e comezos do século XXI- pero co mesmo problema, sofren o maltrato dos seus homes. Na obra hai diferentes narradores e intégranse textos xornalísticos, das redes sociais, etc.

Esta obra foi traballada polo alumnado de 4ºESO. Tiveron a sorte de poder falar con ela e preguntarlle moitas cousas

O alumnado de 2ºESO realizou un Obradoiro de escrita creativa con ela e por último fixéronlle unha entrevista en A Voz da Mata!

Día completo que resumimos no seguinte vídeo.

Grazas Antía! Foi unha xornada marabillosa!

Visita de Ledicia Costas

O pasado mércores, 27 de marzo, tivemos na escola a visita de Ledicia Costas. 

Prestouse a facer un montón de actividades, que podedes ver nos seguintes vídeos.

Ademais, o noso Equipo da radio, fíxolle unha entrevista que podedes escoitar a través deste enlace. 

Foi todo un pracer e un privilexio para os rapaces!

GRAZAS!

DÍA DA POESÍA: Visita de Antonio García Teijeiro

Para celebrar o Día mundial da poesía tivemos o privilexio de contar no centro con Antonio García Teijeiro, galardoado recentemente co Premio Nacional de Literatura Infantil e Xuvenil. 

Acompañounos durante toda a mañá e impartiu un Obradoiro de poesía ao alumnado de 4º de primaria, no que fixeron un poema moi fermoso. 

A continuación, no recreo, recitounos varios dos seus poemas e presentounos o seu amigo MAAAARTIÑO!! Esta parte da sesión foi aberta a todo o alumnado do centro.

Para rematar o día,  foi entrevistado na radio por catro alumn@s de 4º de primaria: Daniela, Antía, Uxía e Nicolás.

Podedes escoitar a entrevista a través do ivoox de a Voz da Mata ou premer neste enlace. 

Estamos moi agradecidos por todo o vivido nesta gran xornada de convivencia e poesía!

MOITAS, MOITAS GRAZAS!

Ademais destas actividades, @s alumn@s de 2º de primaria coñeceron a Antonio en persoa e despois, xa na súa aula, escribiron poemas nunha folla, fixeron papiroflexia (avións), decoráronos e botáronos a voar no xardín da biblioteca. 

Cada alumn@ levou a súa poesía feita para a casa. Unha poesía feita por outro compañeir@, metidiña dentro dun avionciño de papel.

QUE DÍA TAN XENIAL!

Entrevista a Candido Pazó

Hai xa unhas semanas, o alumnado de secundaria, tivo a oportunidade de ver a obra de teatro "Memorias dun neno labrego", no auditorio do Concello, protagonizada por Candido Pazó.

Dende a nosa radio "A Voz da Mata" fixéronlle unha entrevista que podedes escoitar na canle de ivoox: avozdamata ou clicando na palabra entrevista deste mesmo artigo.

As encargadas de realizar a entrevista foron dúas alumnas de 1ºESO, pertencentes ao grupo de teatro.

Moitas grazas por concedernos a entrevista!

Entrevista ás voluntarias da biblioteca de 6º B

Onte, na nosa radio, A Voz da Mata, estiveron as voluntarias da biblioteca de 6ºB de primaria, que organizaron, por Samaín, a atividade de Escape Room para os seus compañeiros e compañeiras.

Foi todo un éxito! 

Ángela e Lea, de 1ºESO, foron as encargadas de facerlles unha entrevista onde contaron todo o referente á actividade.

Entrevista a Marisé

"A Voz da Mata", tivo hoxe unha visita moi especial coa profe Marisé, mestra de 5ºA de primaria.

 Esta é a súa derradeira semana no cole porque o venres se xubila despois de 41 anos de duro traballo. 

Icía e Noa, en representación do alumnado do cole, quixeron facerlle unha pequena homenaxe na radio en agradecemento á súa traxectoria profesional, a través desta entrevista. 

Boa sorte Marisé!

Esperamos as túas visitas ao cole!