Concurso de cine

O concurso de cine foi todo un éxito! 

Participaron 98 alumn@s desde 5º de primaria a 4ºESO.

O concurso consistía en adiviñar películas a partir de escenas famosas das mesmas.

En breve daremos a coñecer os gañadores!

Entrega de premios

Onte no recreo, fixemos entrega aos premiados do concurso de bandas sonoras de Primaria. Os agasallos que recibiron foron a película de "Coco" e "Campeones". 

PARABÉNS A TOD@S!!

Concurso de bandas sonoras

O mércores 20, no recreo, tivemos un concurso de bandas sonoras, organizado por Loli, Bea e Carlos. 

Participaron 81 alumn@s de 5º, 6º de Primaria e Secundaria. 

Os nos@s alumn@s demostraron ter un grande coñecemento do mundo do cine!

Tiveron moitos acertos!

Temos xa os gañadores....

De Primaria temos dous equipos gañadores, xa que tiveron o mesmo número de acertos:

Nico Portela e Manu Rodríguez!

Ayleen Pinto e Andrés González!

PARABÉNS!

En Secundaria temos que facer unha gran final de desempate, porque 7 alumn@s acertaron 18 películas das 20 propostas. O venres no recreo sairemos de dúbidas!

Grazas a tod@s pola vosa participación!

TIMBRE RADIOFÓNICO

Continuando coas actividades desta semana adicadas á Radio, o timbre desta semana do noso centro, está relacionado con películas e a radio. 

Timbre musical

Durante todo o ano, o timbre musical do centro, está soando con temas relacionados co noso proxecto: QUINTA E ACCIÓN.

Esta semana soará...

Álvaro Gago presenta Matria!

Para comezar o novo ano, tivemos unha visita moi especial. Tivemos o privilexio de que Álvaro Gago viñera ao noso centro a presentar a súa curtametraxe "MATRIA", premiada no prestixioso certame Sundance, co premio do xurado e nominada aos premios GOYA, na categoría de mellor curtametraxe. 

Visualizamos a curta con moita atención e despois puidemos facerlle preguntas. Explicounos como xurdiu a curtametraxe, como a rodou, falounos doutros dos seus traballos... Matria é un filme que fala do machismo, do maltrato e desigualdade da muller, da dura vida de Ramona, que lle dá voz a moitas mulleres que viven situacións similares. Está encadrada no entorno natural de Vilanova de Arousa e transcorre arredor dunha fábrica conserveira da zona. 

Ademais, moi amablemente, prestouse a que desde a nosa radio A Voz Da Mata, o alumnado lle fixera unha entrevista. 

MOITAS GRAZAS!

Foi un pracer que estiveras no noso centro. Encantounos a túa curtametraxe. 

Concurso de Cine

Onte, no recreo, fixemos un concursos de adiviñar títulos de películas a través de emoticonas. 

No concurso podía participar o alumnado de ESO e o alumnado de 5º e 6º de primaria. 
A convocatoria foi todo un exito e participaron case 200 alumn@s!

Estiveron moi concentrados intentado averiguar os títulos agochados tras as emoticonas. 

Aquí tedes un vídeo de todos os concursantes.

Os gañadores foron:

 

 - Sara González Arzúa de 5º B de primaria.

- Paula Baz Gándara de 5º B de primaria.

- Alejandro Castro de 3ºB ESO

PARABÉNS!