Xa están aquí!

Como xa anunciamos ao principio de curso, este ano vén cargado de novidades. Unha delas é a incorporación de novos axudantes da Biblioteca de 5º e 6º de Primaria e 1º,2º,3º e 4º da ESO. Estarán  colaborando con nós na hora do recreo e tamén facendo algo máis...

 Que tramarán??? 

Estade atentos...

Xa estamos de volta!

Benvidos e benvidas a un novo curso no que chegamos con aires novos e unha morea de ideas que faremos posíbel TOD@S XUNT@S.

E como adianto...

...imos ter uns novos compañeiros moi especiais cos que compartiremos experiencias robóticas.

Que están facendo?

O alumnado de 1º ESO non para de traballar. Xunto coa súa profesora de plástica están axudando a que a Quinta se vista de gala este Nadal. Moi pronto coñeceredes que están preparando.

Grazas pola vosa colaboración!

Que medo!

Na última semana de novembro algo vai pasar na nosa biblioteca. Despedimos o mes do medo; moi pronto descubrirás como...

Library Halloween / Biblioteca en Halloween (ilustración de Ciara McKelvey)

Un recreo diferente

Hai quen pasa algúns recreos na súa biblioteca, axudando a que funcione mellor. Elas son as encargadas de facer o préstamo, de colocar os materiais e de axudar aos seus compañeiros máis pequenos.

Na quinta buscamos usuarios autónomos. Agora podes buscar no catálogo os materiais que queres levar, indagar se están emprestados ou descubrir se están na biblioteca.

Dende hai uns días alumnas de 3º e 4º gardan un segredo; dedican os ocos libres a cortar e a forrar. Sabedes que estarán facendo?

Abril, mes dos libros

En abril, libros mil (ilustración de Peter Reynolds)

A Quinta dos libros presenta as actividades para este mes:

15 de abril, sesión de contacontos para 1º e 2º de primaria

23 de abril, Lectura compartida de todo o colexio

29 de abril, O amigo invisible, 4º ESO

29 de abril, Abrapalabra

 Un segredo...

Durante todo este mes está con nós un ladrón moi especial... Xa sabedes quen é?

Outro agasallo especial

Pasou a noite dos mortos e a semana do terror. Os relatos de medo están de novo nos estantes, agardando o ano que vén agochados, ou ata que alguén se atreva a collelos de novo. As cabazas xa  abandonaron a entrada do colexio. Mais unha se resiste a marchar... Sabedes por que?

Porque os seus creadores, os gañadores do primeiro premio do concurso de cabazas, agasallaron a nosa Quinta con esta obra de arte. Moitas grazas e parabéns polo premio!

Un libro moi especial

No recuncho de Libros con Estrela destaca dende hai uns días un moi especial... Feito con cariño e con ilusión... No que se mezclan palabras, lá e sentimentos... Dedicado a todos os lectores da Quinta... 

E ademais agacha un segredo... Sabedes quen foi a artista que o creou?

Voces de muller

Levan varios días acompañándonos polos corredores. Dende onte sabemos un pouco máis delas. Os artistas da nosa Quinta deiletáronnos coas cancións de cada unha destas mulleres.

  

Pero estes carteis gardan un pequeno segredo...

  

Sabedes quen foron os artistas que os fixeron? Os alumnos de 3º de PDC. Grazas polo voso traballo e grazas por compartilo con nós.

Xoves escritoras

Seguimos descubrindo segredos no noso centro...

Ainda que non o creades, estes parágrafos non son dun escritor famoso... Hai unha escritora no Rosal!
Chámase Nina e está en 4º da ESO!
Se queredes saber máis sobre a historia... Tedes que preguntarlle a ela.

O kiosko

Sabedes que o kiosko do noso blog esconde un segredo?

Queres saber cal é?
Aí vai a explicación...

Non é unha imaxe baixada de Internet.
Naceu do traballo de dous grandes deseñadores e construtores.
Eles aportaron o seu gran de area a este blog. E ti?

 

Ángela e Carlos rematando o kiosko no taller de tecnoloxía

Noraboa aos seus creadores por tan magnífica obra!

SODES UNS AUTÉNTICOS ARTISTAS!