Os graffitis invaden O Rosal

Xa chegou o bo tempo...
Co acordo da responsable de Cultura do Concello, repetimos os graffitis na zona de xogos infantís da Praza do Calvario, no corredor de acceso á Biblioteca Municipal e no interior da Praza de Abastos.
Deste xeito, calquera persoa cun dispositivo móbil e a aplicación de realidade aumentada descargada pode
escanear a silueta da parede e ver no vídeo a dous rapaces veciños recitando o poema.

Agora só nos falta colocalos nas paradas de bus...

Aprender e compartir

Este curso iniciouse un novo proxecto na biblioteca denimonado RA na quinta, co que se pretende achegar ao alumnado a realidade aumentada. Un dos produtos finais deste traballo foi a creación dunha GUÍA DE USUARIOS. Para a súa elaboración contouse coa colaboración do alumnado de 4º PDC. Durante dous anos eles foron os encargados de formar aos seus compañeiros de 1º ESO. Así que aproveitaron eses coñecementos para deixalos plasmados en vídeos e podcasts.

Estes días están a amosar o seu traballo aos seus compañeiros. Os primeiros en coñecelo foron os rapaces do club de lectura ao que eles pertencen.

Tamén os máis pequenos do centro puideron gozar desta sesión na que coñeceron un pouco mellor a súa biblioteca.

Moitas grazas polo voso traballo!

Manuel María en graffitis

Na Semana das Letras Galegas, o alumnado de 2º ESO deu a coñecer a todo o centro o seu traballo.
Explicáronlle a todos os grupos de Primaria e a algún curso de Secundaria o proxecto realizado durante este curso.
Coa aplicación de móbil Aurasma escoitamos os vídeos de Manuel María gravados por eles...
32 POEMAS!
CASE NADA!

PARABÉNS A TODO O ALUMNADO DE 2º ESO POLO PROXECTO!

Guía de usuarios con realidade aumentada

Un dos principais obxectivos da nosa biblioteca é formar usuarios autónomos. Con esta intención nace esta guía baseada na realidade aumentada.

Neste mapa interactivo aparecen recollidos sete puntos de información. Se apuntas neles cun dispositivo móvil coa aplicación AURASMA accederás a vídeos informativos gravados polo alumnado de 4º PDC nos que explican aspectos básicos do funcionamento da quinta dos libros.

Que se agocha detrás de cada número da CDU?

Sabes que podes atopar en cada número da CDU?  

Dende agora será máis fácil descubrilo. 

Colle un dispositivo móbil e apunta en cada un dos números da CDU. 

Escoita a información que che dan os teus compañeiros de 4º PDC.

Se premes AQUÍ poderás acceder ao resto de números da CDU.

Os graffitis de Manuel María invaden o centro

Por fin chegou o momento de colocar todos os graffitis polo centro!
Non é necesario explicar o que fixemos... Podedes velo pinchando na imaxe!
Non quedou un sitio do centro no que non deixaramos a nosa pegada!

Se instalas no teu móbil a aplicación del Aurasma e segues a "aquinta", podes escoitar o poema de Manuel María vinculado a cada graffiti!

Recitando a Manuel María na nosa biblioteca

O alumnado de 2ºESO gravou 32 vídeos recitando poemas de Manuel María e, despois deseñou códigos QR para poder amosar o resultado.
Estes días estiveron a colocalos nos libros deste autor que temos na biblioteca...



Para escoitalos só tedes que coller un dos libros e ler o código QR cun móbil!
Se queres saber máis... Pincha na imaxe!
Moitas grazas polo traballo!

Sesión de gravación

O alumnado de 4º PDC xa rematou as sesións de gravación dos vídeos que formarán parte dunha nova guía de usuarios que estamos creando. Eles son os encargados de explicar o funionamento da súa biblioteca.

Despois das gravacións seleccionaron as mellores tomas. Moi pronto coñeceredes o resultado.

 

Os códigos QR invaden o centro

Desta vez o alumnado de 4º PDC repartiu os carteis informativos sobre os blogs da biblioteca por todas as aulas do colexio. Ensináronlles aos seus compañeiros que se agocha detrás de cada un dos códigos.

Pegada de carteis

Dende hoxe A Quinta dos libros está máis presente no noso concello. O alumnado de 4º PDC repartiu carteis informativos con códigos QR para dar a coñeceller os nosos blogs.

Moitas grazas pola vosa colaboración!

Realidade aumentada na quinta

Este ano naceu un novo proxecto. RA na quinta pretende introducir a REALIDADE AUMENTADA no día a día da nosa bibliteca. O alumnado de 4º de PDC traballará na aula dende os ámbitos científico e lingüístico e informática as diferentes propostas e realizará distintas tarefas que daremos a coñecer no blog.

Esta é a nosa primeira achega: a elaboración dun cartel informativo con códigos QR. O obxectivo é dar publicidade aos catro blogs da biblioteca tanto no centro coma no concello.

A partir de mañá comeza a PEGADA DE CARTEIS. Subiremos ao concello a repartilos por diferentes locais. Queremos que os nosos veciños nos coñezan e saiban o que estamos a facer.