Obradoiro de Ilustración e Música!

 Hoxe, o alumnado de 3º EP participou nun obradoiro de Ilustración e Música a cargo de Xosé Tomás.

 Foi moi divertido! Escoitando música reflectimos no papel o que ela provocaba en nós! 

Foi xenial!

 

Obradoiro de Ilustración para 1º EP!

 Hoxe, o alumnado de 1º EP participou nun Obradoiro de Ilustración da man de Xosé Tomás!

 Foi moi divertido!

Esta actividade estivo organizada polo Club de Letras do CPI.

Grazas Tomás!

Obradoiro de Ilustración para 2º EP!

 Hoxe fixemos un Obradoiro de Ilustración , organizado polo Club de Letras, para o alumnado de 2º EP.

 Xosé Tomás foi o encargado de facelo posible.

Pasámolo xenial!

Se queredes ver como foi...Aquí tedes dous vídeos.

 

Entrevista a Tomás!

Nestes días, o noso Director, Xosé Tomás, foi entrevistado a través do Instagram pola alumna Sandra Zarco, de 4º ESO, e Ana Rodríguez.

Como xa sabedes, Sandra e Ana están a facer unha serie de programas nos que entrevistan  persoas interesantes, neste caso a Tomás, destacando a súa faceta de ilustrador.

O seu programa chámase "Merienda con Sandra & Ana", por se vos apetece ver máis entrevistas!

Deixámosvos aquí a entrevista a Tomás. É moi interesante!

Curso de Banda deseñada con Xosé Tomás: O bocadillo!

Hoxe temos na Quinta a 2ª entrega do Curso de Banda deseñada con Xosé Tomás.

O segundo tema que aborda é o bocadillo, unha parte fundamental.

Aprenderedes cal é a súa utilidade, como deseñalos...e un montón de cousas máis.

Este curso forma parte da Formación para o alumnado organizada polo Club de Letras do CPI.

Xa sabedes. Despois de ver o video, hai que animarse a polo en práctica!

Club de letras desde a casa!

Continuamos co Club de Letras desde a casa!

Toca formación en BANDA DESEÑADA extensiva para todo o cole. A idea era que Tomás pasaría polas clases (dende 1º EP a 4º ESO) para impartir, pouco a pouco, pequenos obradoiros de BD. 

Na biblioteca xa fomos mercando lecturas en BD moi interesantes e novidosas que poderedes ver á volta.

Agora que todo cambiou, pensamos que aínda se podía facer algo. Por iso Tomás está a crear un curso de BD online, a través de YOUTUBE, por entregas.

Tedes aquí a primeira delas, sobre TÉCNICAS PARA CREAR VIÑETAS.

Esperamos que gocedes con ela! Haberá máis entregas!

É unha moi boa opción para a Semana Santa!

Poderedes aprender a facer as vosas propias creacións!

Grazas Tomás!

Obradoiro de ilustración con Xosé Tomás

Dentro da semana da biblioteca, o noso dire, ofreceu un obradoiro de ilustración no recreo, para os máis cativos do cole. 

Foi todo un éxito! 

Queredes saber que personaxes agochan un triángulo, un cadrado un círculo e unha pataca? Pois mirade o vídeo!

Moitas grazas Xosé Tomás!

II Obradoiro ANIMALIA

Onte, por segundo día consecutivo, Xosé Tomás impartiu un obradoiro no recreo para o alumnado de 5º e 6º de primaria, sobre o seu libro "Animalia" e como transformar animais en persoas. 

Aquí tedes imaxes do obradoiro de onte.

E aquí están algúns dos resultados.

Quedaron preciosos!

Presentación e obradoiro do libro "Animalia"

Con motivo da celebración da semana da biblioteca, Xosé Tomás, presentounos o seu novo libro "Animalia". O fixo dunha maneira moi especial, a través dun obradoiro de debuxo para os máis pequenos. 

Foi moi divertido! Aqui tedes a proba.