Formación alumnado Radio!

 Hoxe, o alumnado de 2º ESO A recibiu formación en radio da man de Pedro Iglesias, unha proposta de "Radio na Biblio".

Estamos a aprender a pór efectos sonoros nos nosos podcasts, crear ambientes...

Imos ter un gran equipo de técnicos e técnicas!

O 7 de abril haberá unha nova sesión!

Parabéns, moi bo traballo!

Concurso de microrrelatos 6º B!

 Como proposta de Charo Pita, despois de realizar as sesións de formación deste ano para o alumnado da Radio, fixemos unha actividade de microrrelatos.

 Partindo dunha imaxe proposta por Charo Pita, o alumnado de 6º B escribiu microrrelatos, un cada alumno-a. O resultado é espectacular, cadaquén interpretou a imaxe dun xeito diferente e fixo unha creación literaria partindo das súas emocións. 

O resultado é un programa de radio con todas esas producións. Se queredes escoitalo visitade a nosa canle de IVOOX, a aula virtual do CPI ou premede AQUÍ. 

Fixemos un concurso e o microrrelato gañador foi o de Eduarda. 

Neste vídeo tedes o relato gañador. Esperamos que vos guste!

 

 Ben e Joel quedaron finalistas. Son uns marabillosos escritores! Estivo moi difícil escoller só un microrrelato.

Moitas grazas a Charo Pita pola súa proposta e por mandarnos as postais!

Grazas ao alumnado de 6ºB e a Elvira por participar nesta actividade!

Parabéns!

Obradoiros de microrelatos!

 Á Voz da Mata chegounos un paquete moi especial!

 

Charo Pita mandounos unhas postais para facer un obradoiro de microrelatos cun grupo dos que recibiu a formación en Radio. 

Xa veremos as producións de 6º B! Estade atentos-as!

FORMACIÓN EXTERNA RADIO NA BIBLIO. CHARO PITA!

 Hoxe tivemos na Voz da Mata a Charo Pita facendo dous obradoiros para o alumnado voluntario da Radio. 

O obradoiro de 6º EP foi "Xeografía máxica". Traballaron con historias de Galicia para montar un programa de radio con contidos nos que se mesturan elementos da tradición oral, a historia e os lugares xeográficos. Estivo moi entretido e interesante!

O obradoiro de 1º ESO foi sobre "Teatro lido". Traballaron a expresión oral, a dramatización e a creatividade. Foi moi divertido!

Aquí tedes un resumo das sesións de formación.

 

No seguinte vídeo podedes ver unha mostra do obradoiro de 6º! 

 

Aquí tedes unha mostra do divertido que foi o obradoiro de 1º ESO!

 

Grazas a Charo Pita por estes marabillosos obradoiros, aos nosos-as voluntarios-as da radio por entregarse tanto nesta actividade e a Radio na Biblio por esta oportunidade formativa!

 

Formación para os voluntarios da Radio!

Este ano a Formación Externa da Radio correu a cargo de Charo Pita. Durante todo o confinamento pouidemos gozar de varias das súas producións, que utilizamos para a nosa hora de ler, e dun pequeno obradoiro para pais e nais sobre oralidade e lectura en voz alta.

Como non foi posible realizar as sesións de formación de xeito presencial, Charo fíxonos cinco titoriais que serviron para traballar co voluntariado. Rematamos a experiencia cunha videoconferencia na que participaron os voluntarios da Radio de 3º ESO, coordinados pola profe María Oca.
Grazas a Manuel, María, Marta, Noela e Eva!
 A nosa idea é seguir utilizando ese material para os novos membros da Radio e realizar máis postas en común ao longo do vindeiro curso.

Estamos moi contentos-as coa experiencia.

Grazas, Charo por axudar a que a nosa formación puidera saír adiante, independentemente da situación sanitaria que estamos a vivir.

Rematamos así a actividade da nosa Radio "A Voz da Mata"

Ata a volta das vacacións!

Charo Pita na Voz da Mata!

Os alumnos-as voluntarios-as da Voz da Mata gozarían hoxe dunhas sesións de Formación en Radio a cargo de Charo Pita.

Como xa sabedes, todas as nosas actividades presenciais están canceladas.

Pero Charo Pita deixou un agasallo para os máis pequeniños-as. Un precioso conto  que se pode alongar o que se queira e converter nun xogo de repetición e memoria: "Os animais do mar"

Esperamos que vos guste!

Charo, esperamos recibir a túa visita en pouco tempo! Grazas!

Os máis peques na Radio!

Hoxe contamos na Voz da Mata coa visita dos máis pequeniños do cole, o alumnado de 1º EP. Tiveron unha sesión na que gravaron unha das súas poesías favoritas traballada na aula.

Foi estupendo! Grazas a estes peques e á súa profe Gloria por participar na Voz da Mata!

Formación Radio alumnado 6º B

Hoxe, na Voz da Mata fixemos unha sesión de Formación de usuarios para o alumnado de 6º B de Primaria. 

Xa os temos preparados-as para poder traballar na Radio autonomamente. Parabéns polo voso interese e por traballar tan ben nesta sesión!

Formación de usuarios na Voz da Mata

O mércores 16 de outubro alumnos e alumnas da ESO recibiron formación en radio para ser autónomos e facer gravacións de programas nos recreos. Quedamos a xantar no cole e fixemos un curso intensivo do uso da nosa radio. Foi estupendo!

Xa temos cinco equipas preparadas para gozar dos seus programas!

A GRAVAR!!!!