25 N

 Hoxe é o Día Internacional da Eliminación da Violencia contra a muller.

Durante toda a semana estivemos traballando neste tema.

Fixemos moitas actividades, en coordinación, todos os equipos do centro. Aquí tedes o resultado.

 O alumnado de EP ten moi claro que día é hoxe!

Na ESO tivemos unha xornada moi especial con Noelia Míguez Vázquez, unha muller brava de Boqueixón.

Noelia sufriu hai seis anos violencia de xénero pola súa ex-parella e agora imparte charlas en colexios e institutos para concienciar as novas xeracións a así prever e detectar a violencia.

Foi alucinante contar con ela hoxe, a súa experiencia fixo que se nos removeran moitas cousas por dentro.

No seguinte vídeo podedes ver un anaquiño da charla.

Despois da charla co alumnado de 4ºESO tivemos unha extraordinaria entrevista na Voz da Mata que nos vos podedes perder.

Se queredes escoitala premede AQUÍ.

No seguinte vídeo podedes ver un adianto.
 

Grazas a Raquel e Lea por ser unhas fantásticas reporteiras. Foi unha entrevista estupenda. Moi bo traballo!

E grazas a Noelia por ser tan xenerosa con nós e abrir o seu corazón!

25 N!

 Os nenos e nenas de 4º B EP comezan a trabalar sobre a violencia de xénero.

Falta moi pouco para o 25 N, día no que denunciamos esta realidade!

Parabéns! Moi bo traballo!

25 N

 Hoxe é un día moi especial, celebramos o Día contra a Violencia de Xénero.

O alumnado de 6º B EP fixo un programa na Voz da Mata cun glosario de termos importantes que estamos acostumados a escoitar e que é convinte coñecer.

 A fonte da información foi a ASPG.

Uxía e Tomás participaron na gravación do programa.

 Se queredes escoitalo visitade a nosa canle de IVOOX ou premede AQUÍ.

Grazas por este programa!

25N

Para conmemorar o día contra a violencia de xénero, impulsáronse, dende a biblioteca, distintas actividades que deron lugar a estas marabillas que  podedes ver no vídeo. Todo o centro unido!

Grazas a tod@s @s que o fixeron posible!

O club de Ciencia na Voz da Mata!

Hoxe, os alumnos e alumnas do Club de Ciencia do centro fixeron un programa sobre a orixe da conmemoración do 25N e os datos estatísticos da violencia de xénero en España. A vindeira semana poderedes escoitar o programa en Ivoox e ver unha montaxe que teñen preparada.  

Parabéns ao Club de Ciencia por este traballo!

 

A Quinta dos Libros contra a Violencia de Xénero

A Quinta dos Libros súmase á Campaña contra a Violencia de Xénero, en colaboración co Concello do Rosal.

25 N Día Internacional contra a violencia de xénero

A nosa compañeira Ana Chamosa, mestra de galego de ESO, elaborou un programa na nosa radio "A Voz da Mata" co alumnado de 4º da ESO. 

No programa revisan diversos titulares de prensa sobre a violencia de xénero e recollen testemuñas de varias mulleres maltratadas, entre elas unha rapaza de 18 anos. Tamén nos dan consellos para evitar e detectar a violencia machista.

Ademáis do programa da radio, fixeron unha montaxe de vídeo que mostramos este luns no recreo para que toda a comunidade educativa reflexione sobre este tema e como homenaxe a todas as mulleres maltratadas. 

Moi bo traballo! 

Moitos parabéns!

Unidos contra a violencia de xénero

Dende a biblioteca, unimos a toda a comunidade educativa para conmemorar o 25N: Día Internacional contra a violencia de xénero. 

Unímonos a través das nosas mans, a través da pintura e creamos corazóns. 

A Quinta contra a Violencia de Xénero.

No ano 1993 a Asamblea Xeral das Nacións Unidas aprobou a Declaración sobre a eliminación da violencia contra a muller. Nela concrétanse os termos que definen a violencia de xénero (danos físicos, psicolóxicos, ameazas ou prohibición da liberdade) tanto na vida pública como na privada. 

Lamentablemente, a violencia de xénero segue estando moi presente na sociedade en todas as súas formas. Os máis novos son claves para erradicar este problema global, e de aí a importancia de realizar actividades que inviten á reflexión, á empatía e a concienciación social.

Mostrámosvos as actividades elaboradas no centro:

Durante o mes de novembro estase desenvolvendo o taller "Igualando", ofertado polo Concello do Rosal para o alumnado de 3º de ESO. O obxectivo é concienciar da necesidade da igualdade como valor para vivir na sociedade, e provocar no alumnado unha reflexión sobre a falta de igualdade existente en moitos contextos cotiás.

 Por que o 25 de novembro é o Día contra a Violencia de Xénero? Alumnos e alumnas de 6º exlplícannolo no seguinte vídeo

 "Respecta o meu NON" foi o lema elexido polo alumnado de 2º de ESO B para reflexionar en voz alta, e que se estendeu a todo o colexio.

Guía de libros e películas para reflexionar e concienciar sobre a situación da muller.

Concurso de Haikus ,organizado polo Concello do Rosal, contra a Violencia de Xénero.

Nós aleitadoras, nós conquistadoras,
brillantes activistas da vida cotiá.
E nós que resistimos a séculos de forza,
e nós as matriarcas do país dun tal Breogán...

(Matriarcas, Guadi Galego)