Amelia Tinagus!

 Hoxe tivemos o pracer de recibir no CPI a Amelia Tiganus, unha muller extraordinaria que nos falou da prostitución, da violencia contra as mulleres, das violacións, da pornografía...Temas nos que ela é experta. 

Feminista, escritora, formadora, divulgadora e defensora do abolicionismo da prostitución e da pornografía, compartiu a xornada de hoxe co alumnado de 3º ESO.

Unha gran experiencia para todas e todos!

Tamén visitou a Voz da Mata. Se queredes escoitar a entrevista que lle fixeron Vega e Danae, premede AQUÍ.

Foi un pracer contar con ela na nosa Quinta!

Tamén coñeceu o noso grupo VÍA!

Grazas a Yolanda do CIM e Sandra (Educadora Familiar do Concello do Rosal) por facelo posible!

Colaboramos co Concello!

 Dende o Club de Lectura de Adultos colaboramos na celebración do Día do Libro co Concello de Rosal.

Visitade as súas redes para ver as recomendacións!

8 M na nosa Quinta!

 Hoxe tivemos un día moi especial!

Comezamos a mañá co visionado da montaxe que fixeron María (Música) e Sofía (EF) co seu alumnado de 6º EP.

  Partindo da canción "Lo que es nuestro" de Lucía Gil e Natalia Gil, utilizando a aula croma, traballaron a expresión corporal e o canto para expresar sentimentos e emocións!

Parabéns por este marabilloso traballo!

O alumnado e o profesorado do CPI traballaron cos sinais de tráfico que nos mandaron dende o Concello do Rosal.

 Ata os máis pequerrechiños-as do cole teñen claro que reivindicamos hoxe! Igualdade!

Paraugas, sinais...símbolos que berran "igualdade e respecto". 

 

Na foto temos ao alumnado de 4º B EP!

No vídeo vemos o marabilloso traballo colaborativo entre o alumnado de Relixión e Valores éticos de 4º e 5º EP.

E, para rematar, dende Biblioteca Creativa, tivemos a proposta de decorar uns paraugas brancos nas aulas para facer con todos eles o símbolo do feminismo no noso patio.

Aquí tedes o resultado!

 

A chuvia do 8M

 

 

Bo Día da Muller!

 

8M polos corredores da Quinta!

 Polos corredores da Quinta podedes atopar bibliografía e materiais moi interesantes!

 Grazas ao Concello do Rosal tamén temos uns sinais moi especiais. Pasa polo boulevar e verás que significan!

Visita "Punto limpo"!

 O alumnado de 4º EP estivo hoxe visitando o "Punto limpo" do noso concello!

No marco do mes da Ciencia en Galego nas Bibliotecas aprendemos o respecto e conservación do medio ambiente.

Desfile pola diversidade!

 Hoxe festexamos a diversidade cunha actividade moi especial!

En colaboración co Concello do Rosal organizamos un desfile no que a diversidade foi o tema central. Estivo presentado por Javier Lago e Andrea Pereira.

Se queres saber o contido do desfile preme AQUÍ.

Pasáronse deseños de Adanegra, Nerea Rodríguez e do alumnado de 4º ESO de Educación Plástica.

Foi impresionante!

Se queredes saber como foi o desfile, nos seguintes vídeos poderedes descubrilo.

Non hai mellor xeito de rematar o noso PDI deste curso, "A Quinta vai á moda" 

Grazas a todo o profesorado participante, tanto desfilando como organizando!

Grazas ao alumnado colaborador!

Grazas ao Concello por facelo posible!

 

Se queredes ver máis fotos premede AQUÍ.

 

Comezamos co Club de Cómic do CPI con Yolanda Castaño!

 Hoxe, no noso CPI, contamos coa visita de Yolanda Castaño, poeta, crítica literaria e axente cultural.

Impartiulle un obradoiro de cómic poético ao alumnado de 3º ESO.

Entre os asistentes atopábanse un grupo de rapazas e rapaces que, dende hoxe, formarán parte do Club de Cómic do centro.

Aproveitamos a presenza da autora para constituílo e comezar a súa andadura.

No obradoiro debullou o proceso creativo da obra "O puño e a letra", editado por Xerais, que supón un fito na creación en galego, por fusionar banda deseñada e poesía.

A continuación, o alumnado creou un poema longo coa súa guía e, finalmente, ese poema converteuse en diferentes interpretacións visuais en formato cómic. Foi un verdadeiro revulsivo, que se fixo posible no marco do Club de Letras. 

Aquí tedes unha mostra das estupendas creacións que fixo o alumnado.

Contamos coa presenza no público de Ánxela Fernández Callís, alcaldesa do Rosal, que non quixo perder o acto, na nosa habitual e cotiá colaboración entre Concello e CPI.

Rematamos a mañá cunha marabillosa entrevista a Yolanda na Voz da Mata. Adán e Román foron os representantes do alumnado de 3º ESO.

 

Se queredes escoitar a entrevista visitade a nosa canle de IVOOX, a Aula Virtual do CPI ou premede AQUÍ.

Grazas a Yolanda Castaño e ao Club de Letras, coordinado por Xosé Tomás, por facer posible unha xornada fantástica!

Colaboración do Club dos Martes co Concello!

 Loli e Rosaura, as dúas compañeiras do Club dos Martes, fixeron unhas recomendacións lectoras moi interesantes para festexar o Mes do Libro no Concello.

 Se queredes escoitalas, visitade as redes do Concello!

Colaboración co Concello do Rosal!

 Recomendacións lectoras na páxina do Concello.

Hoxe é a quenda do Club dos Martes, da man de Lola.

Visitade as redes do Concello para coñecer a recomendación!

Entrevistadores en Burela!

 Aquí tedes os nosos marabillosos entrevistadires de Burela!

Grazas por todo!

 Temos moitas ganas de volver estar con vós!

Apertas dende O Rosal!

Programa conxunto Radio Burela-Proxecto Neo e A Voz da Mata!

 Esta tarde tivemos a inmensa ledicia de facer un programa de radio en directo co IES Perdouro de Burela, no marco do seu Proxecto Neo en Radio Burela.

Tivemos no CPI o grande pracer de contar con Ánxela Fernández (alcaldesa do Rosal), Javier Alonso (director da Banda do Rosal), Nieves Álvarez (compañeira do CPI) e José Manuel Vicente (membro fundador da Banda)

Do noso alumnado contamos coa participación de Noa, María, Andrés, Amanda e Rubén! Uns magníficos representantes da Banda e do centro.

 Todo o alumnado de Secundaria escoitou en directo o programa nas súas aulas.

 

Ao outro lado das ondas radiofónicas os nosos compañeiros-as de Burela!

O programa foi un monográfico da Agrupación Musical do Rosal. 

Foi un programa interesantísimo no que a música e a cultura foron as protagonistas!

  Se queredes escoitar o programa completo premede AQUÍ

Como adianto deixamos aquí estes vídeos das colaboracións dos convidados-as no programa.

 Grazas a toda a Comunidade Educativa, aos participantes e, especialmente, a Bernardo, Karina e o seu equipo de Burela!

 Grazas a todos-as por facer que non haxa distancias entre dúas comunidades educativas que teñen un mesmo obxectivo, educar a través das ondas!

Entrevista a Txema Olleta

Hoxe tivemos na Voz da Mata a Txema Olleta, responsable en Euskadi de AHIGE (Asociación de Hombres por la Igualdad de Género).

O traballo desta asociación céntrase en participar na loita por unha sociedade máis igualitaria, a través do traballo con homes facéndolles entender que teñen que ser parte activa nesa loita.

Txema está a facer unha serie de obradoiros sobre "novas masculinidades", no marco do Proxecto Claqueta Violeta en colaboración co Concello do Rosal, VIA e Talentea.

Participa nesta actividade todo o alumnado da ESO.

Falounos de moitas cousas importantísimas sobre estes temas.

Neste vídeo podedes ver un adianto da entrevista.

Se queredes escoitala completa visistade a anosa canle de IVOOX ou premede AQUÍ.

Grazas Txema por unha marabillosa entrevista!