Álex Mene na Quinta dos libros

O alumnado de 5º de primaira recibiu a visita do escritor Álex Mene. Traballaron arredor do libro "Indómita, a semente da inmortalidade" 

Moitas grazas!

Visítanos Antía Yañez

A semana pasada tivemos a sorte de ter na nosa Quinta dos libros a Antía Yañez. É unha escritora galega que no 2018 gañou o premio Illa Nova co seu libro Senlleiras. É unha historia de dúas mulleres: Alana (moza pobre), e Alda (influencer), en tempos diferentes -comezos do século XX e comezos do século XXI- pero co mesmo problema, sofren o maltrato dos seus homes. Na obra hai diferentes narradores e intégranse textos xornalísticos, das redes sociais, etc.

Esta obra foi traballada polo alumnado de 4ºESO. Tiveron a sorte de poder falar con ela e preguntarlle moitas cousas

O alumnado de 2ºESO realizou un Obradoiro de escrita creativa con ela e por último fixéronlle unha entrevista en A Voz da Mata!

Día completo que resumimos no seguinte vídeo.

Grazas Antía! Foi unha xornada marabillosa!

Visita de Ledicia Costas

O pasado mércores, 27 de marzo, tivemos na escola a visita de Ledicia Costas. 

Prestouse a facer un montón de actividades, que podedes ver nos seguintes vídeos.

Ademais, o noso Equipo da radio, fíxolle unha entrevista que podedes escoitar a través deste enlace. 

Foi todo un pracer e un privilexio para os rapaces!

GRAZAS!

Visita de IRIA MISA

Hoxe visitounos Iria Misa, escritora de Gondomar, licenciada en Filoloxía inglesa e profesora no IES San Paio de Tui.

Iria falounos dos libros que escribiu: Xa non estou aquí, Segredos no Solpor e "Mamá, quero ser Ziggy Stardust".

Contounos como se fixo escritora e os temas dos que trataban os seus libros, ademais animounos a ser escritores. Hai que ler moito e poñerse a escribir sen ningún medo.

Nos seus libros toca temas moi actuais e variados: a transexualidade, o misterio, amores novos...

Desde aquí queremos darlle as gracias a Iria pola súa visita e animarvos para que leades os seus libros.

Tamén lle fixemos unha entrevista na Voz da Mata, a nosa radio.

Moitas grazas, Iria, por visitarnos e contarnos as túas experiencias!!

Visita de María Canosa

Non atopamos mellor maneira de seguir homenaxeando as Letras Galegas que coa escritora de Cee, María Canosa.

Esta mañá, a autora de MURIEL chegou á Quinta dos Libros para resolverlle case todas as dúbidas ao alumnado de 6º de Primaria que recentemente leu o seu libro galardoado co premio Merlín 2017. E dicimos case porque, como ben explicou ela, gústanlle os finais abertos para que cada un dos lectores/as complete a historia.

Asinou no Libro de Honra e tamén en cada un dos nosos exemplares de Muriel.

E en agradecemento pola súa visita e por ser tan encantadora, agasallámola cunhas conservas da Rosaleira.

"O máis importante non é gañar premios, senón que lle guste o libro aos lectores".

María Canosa

A viaxe de Sara Varela González

Hoxe veu Sara á nosa escola para falarnos da súa vida, que ten moito que ver co proxecto migrANDO.

Sara naceu no 1980 en Vigo.
Estudou paleontoloxía no CUVI (Vigo).
Empezou a traballar e a viaxar aos 24 anos.

A primeira viaxe que fixo foi a Madrid no ano 2004. Alí estivo traballando dous anos no Museo Nacional de Ciencias.
Chegado o momento tivo que facer as maletas e mudarse a Burgos no 2006. Traballou en Atapuerca.
Despois fixo as maletas e volveu a Madrid para acabar a súa tese.
De novo fixo as maletas e foi a Toledo, onde traballou na Universidade. Ofrecéronlle ir á Universidade máis antiga da República Checa (Praga) no 2012 e volveu marchar para alí.
Como  nos contou, Praga é unha cidade moi antiga, con multitude de cousas para visitar. Fai moitos anos, a cidade pertencía á zona do leste e aínda agora nótase esa distancia na xente.
Outra vez fixo as maletas e foise para O Brasil no ano 2014 a unha cidade moi grande que ten máis de 1.000.000 habitantes. Traballou en Goianía.
Volveu facer as maletas e foi a Berlín que é onde agora está traballando, no Museo de Ciencias Naturais onde tamén estivo Albert Enstein durante 30 anos.
Como ela nos contou, fixo moitos amigos aos que tivo que deixar cada vez que se mudaba. Pero segue a manter relacións con eles. 

Iso é o máis importante, os amigos que nunca esquecemos.

Moitas grazas Sara por vir compartir a túa historia con nós!

Escrito polas Axudantes da Bilioteca MARÍA PÉREZ RODRÍGUEZ E PAULA VICENTE DORADO e as fotografías por EVA RODRÍGUEZ SÁNCHEZ.

COnRAZONES

O próximo venres a asociación de axuda Conrazones, en colaboración coa ANPA, recollerá alimentos e material escolar que levará ao norte de África.

Despois proxectarase o film O Visitante dentro das xornadas de cine do proxecto migrANDO. Ademais ao final a ANPA convídavos a un refresco e pinchos.

A que esperades??? 

Visita de María Solar

Onte, o alumnado de 6º de EP recibiu a visita da escritora María Solar que veu falar do seu libro O meu pesadelo favorito, premio Lazarillo 2014, que leron no 2º trimestre.

Ademáis de falar do contido do libro, faloulles da súa faceta de xornalista, presentadora da TVG e actriz de dobraxe.

Os rapaces e as rapazas tiveron a oportunidade de facerlle algunhas preguntas á autora.

Para rematar ella asinoulles os exemplares do seu libro.

Foi unha moi boa experiencia! Gustounos moito a visita de María Solar!

A quinta abriu as súas portas

Abrimos as portas ao proxecto Somos nativos dixitais.

Este é un resumo da sesión que compartimos.

Un luxo e un pracer. 

Un día especial grazas a vós

Grazas ao CFR de Vigo por darlle esta oportunidade ao noso alumnado. Grazas aos nosos compañeiros de Alemaña, Dinamarca, Italia e Reino Unido pola súa visita. Foi un pracer abrir as portas da nosa Quinta para vós. 

E grazas aos artistas que souberon mostrar con orgullo e entusiasmo como funciona a súa biblioteca.

Un orgullo e un pracer

Os lectores da Quinta

Somos nativos dixitais

O vindeiro venres 4 de marzo o noso centro formará parte dun proxecto educativo europeo chamado "We are all digital natives". O Centro de Formación e Recursos (CFR) de Vigo, dedicado á formación do profesorado, é socio deste proxecto, xunto con catro ONGs de Dinamarca, Alemanña, Italia e Reino Unido. O proxecto consiste en analizar e compartir os mecanismos polos que as novas tecnoloxías, as redes sociais, e internet en xeral poden mellorar os nosos traballos.

Este ano os socios europeos veñen de visita ao CFR de Vigo, para observar os métodos e experiencias que aquí se levan a cabo nese eido. E dende Vigo decidiron que o noso centro e, en concreto a nosa Biblioteca, é un bo exemplo para amosar aos visitantes.

Un grupo de alumnos serán os encargados de presentar en inglés este acto.

Ensaio xeral

Alex, Hadriá, Jorge, Patricia, Jöel, Inés, Iria, Carlota, Alejandra, David, Cristian, David e Javi recibirán á nosa visita especial do venres.

Eles explicarán como funciona a biblioteca e moitos dos seus detalles: o club de lectura, o CMAL, o club de jazz, as clases que se imparten de maneira diferente neste espazo...

Grazas polo voso entusiasmo e o voso traballo!

Preparando unha visita especial ao CMAL

Raúl Vacas visita o CMAL

Esta mañá Raúl Vacas visitou aos lectores do noso club. Aproveitamos a ocasión para ensiñarlle o noso Centro Médico de Asistencia Lectora. Alex e Tamara foron os encargados de explicarlle como naceu e como funciona. Grazas Raúl por visitar este recuncho da nosa quinta.

Poesía na quinta

Mañá a poesía tomará a nosa biblioteca da man de Raúl Vacas, unha das voces máis interesantes da poesía xoven actual. Os lectores do club de lectura serán os afortunados que compartirán esta sesión co poeta. Agardamos con impaciencia que chegue o gran día...

Visita de FRANCISCO ÁLVAREZ- KOKI: Como é ser un emigrante en Nova Yorke

Dentro do marco do noso proxecto deste curso, o martes, 1 de decembro, visitou de novo, a nosa biblioteca, o escritor Francisco Álvarez- Koki.

Esta vez veu a falarnos de como é ser un emigrante en Nova Yorke, da súa experiencia vital, de que non todo é tan doado como parece…

Poidemos escoitar, da súa voz, varias lecturas do seus libros nas que se reflicten as experiencias de comezar nun novo país. 

A actividade estivo dirixida ao alumnado de 4º ESO.
O alumnado participou activamente, facendo moitas preguntas. Esta actividade gustoulles moito.
 

Grazas ao autor por adicarnos o seu tempo e compartir con nós as súas experiencias!

Koki : Un neno na emigración

O xoves, 19 de novembro, visitou a nosa biblioteca o escritor Francisco Álvarez - Koki. Presentounos o seu libro: Un neno na emigración. A actividade estivo dirixida ao alumnado de 5º e 6º de EP.

Comezou a sesión preguntando cantos nenos-as falaban galego e explicando que había familias na emigración que non lles aprendían galego aos seus fillos-as, motivo polo que escribiu o seu libro.
Falou da importancia de conservar a nosa lingua.
O alumnado participou activamente, lendo en voz alta o libro do autor en inglés, galego e castelán.
Para rematar houbo un turno aberto de preguntas.
Grazas ao autor por dedicarnos o seu tempo!

Escarlatina

Neste terceiro trimestre, o alumnado de 1º ESO estivo a traballar co libro Escarlatina, a cociñeira defunta de Ledicia Costas. Román, o protagonista da historia, quere ser un auténtico chef. Ao longo do libro presenta “unha ducia de moi gorentosas e larpeiras receitas”.

Os alumnos-as de 1º ESO levaron á práctica as propostas de Román e, no recreo, disfrutamos papando o produto do traballo e esforzo destes grandes cociñeiros-as.

Foi moi divertido!

Parabéns aos chefs do Rosal!

Nova visita

A quinta está a punto de pechar pero os seus usuarios aínda seguen disfrutando das actividades que se organizan para eles. Este luns os nenos de 2º, 4º, 5º e 6º de primaria puideron gozar da actuación de ignacio Vilariño.

Ledicia Costas na quinta

É un luxo poder compartir unha charla coa autora do libro que acabas de ler. Falar da historia, do proceso de inspiración das anécdotas... Tiveron este privilexio os rapaces de 6º de primaria e de 2º de secundaria. Os máis pequenos leran Escarlatina, a cociñeira defunta e os maiores O corazón de Xúpiter e Recinto gris. E hoxe puideron coñecer mellor as obras da man da súa autora.

Grazas, Ledicia, pola visita aos lectores da nosa quinta!