Semana das Matemáticas

 

Para celebrar o 12 de maio, Día Escolar das Matemáticas, ao longo desta semana o alumnado de primaria achegarase ás matemáticas dunha forma manipulativa e recreativa a través de distintos xogos e actividades. Hoxe foi a quenda de 1º e 5º B de EP.

 

Actividade organizada polo Equipo de biblioteca e o Club de ciencia do centro.

 

FORMACIÓN EXTERNA RADIO NA BIBLIO. CHARO PITA!

 Hoxe tivemos na Voz da Mata a Charo Pita facendo dous obradoiros para o alumnado voluntario da Radio. 

O obradoiro de 6º EP foi "Xeografía máxica". Traballaron con historias de Galicia para montar un programa de radio con contidos nos que se mesturan elementos da tradición oral, a historia e os lugares xeográficos. Estivo moi entretido e interesante!

O obradoiro de 1º ESO foi sobre "Teatro lido". Traballaron a expresión oral, a dramatización e a creatividade. Foi moi divertido!

Aquí tedes un resumo das sesións de formación.

 

No seguinte vídeo podedes ver unha mostra do obradoiro de 6º! 

 

Aquí tedes unha mostra do divertido que foi o obradoiro de 1º ESO!

 

Grazas a Charo Pita por estes marabillosos obradoiros, aos nosos-as voluntarios-as da radio por entregarse tanto nesta actividade e a Radio na Biblio por esta oportunidade formativa!

 

Obradoiro de Nadal: Postais pop up en 2º A ESO

Hoxe foi o último día de obradoiros co grupo de 2º A ESO no que fixeron unha postal pop up guiados por Cintia.

Moitas grazas, Cintia, por estes obradoiros realizados na ESO.

Parabéns ao alumnado polo seu traballo.

Obradoiros de Nadal: Papiroflexia e postais pop up

 O alumnado de 2º B ESO guiado pola profesora Cintia fixo unha árbore de Nadal mediante papiroflexia e unha postal pop-up.

Parabéns polo voso traballo!

Obradoiros de Nadal: Papiroflexia con 3º B ESO

Hoxe foi a quenda do alumnado de 3º B ESO. Realizaron un obradoiro de papiroflexia no cal fixeron unha árbore de Nadal. 

Parabéns!!

 

Obradoiros de Nadal: Marcapáxinas en 2º EP

 Outro dos obradoiros levado a cabo dende a biblioteca tivo como destinatario o alumnado de 2º EP, que realizou uns marcapáxinas con motivos de Nadal.

Obradoiros de Nadal: Postais en 3º B de EP

Un dos obradoiros realizados esta semana dende a biblioteca tivo como destinatario o alumnado de 3º B EP no que realizaron unhas postais de Nadal moi curiosas.

Obradoiros de Nadal: Adornos en 1º EP

Dende a biblioteca esta semana realizáronse diversos obradoiros.

 O alumnado de 1º EP fixo adornos de Nadal.

 

Algo vai pasar!

 Algo vai pasar na Quinta...

Achégase unha data moi especial, o Samaín!

Que sorpresa haberá?

En nada saberás a resposta.

Bibliotecas creativas en marcha!

Obradoiro Origami!

O alumnado de 6º A, coordinado pola profe Cris, fixo un obradoiro sobre a técnica "origami".

Esta arte consiste no encartado de papel sen usar tesoiras nin pegamento para obter formas variadas.

 Algúns resultados poden considerarse verdadeiras esculturas en papel.

Aquí deixamos os resultados deste obradoiro!

Parabéns! Moi bo traballo! 

Frida Kahlo. Recreamos a súa obra!

O alumnado de 6º A recreou a obra de Frida Kahlo despois de estudar a esta artista tan adiantada ao seu tempo. Grazas por compartir con nós o voso traballo. Parabéns!

Charo Pita! Abrazar con Palabras. Obradoiro de Lectura en voz alta!

Por xentileza de Charo Pita, presentamos hoxe un Obradoiro de Lectura en Voz Alta. Pertence ao Salón Virtual do Libro de Pontevedra e vai enfocado a nais e pais. 

É un obradoiro ideal para a Radio!

Esperemos que vos guste. 

Grazas, Charo por ser sempre tan xenerosa con nós!

Paso de tres cadrados a un! Obradoiro matemáticas.

O alumnado de 1º ESO fixo este obradoiro coa profe Cintia.

Hai que pasar de tres cadrados a un só.

Tedes aquí as intrucións.

É un bo reto para esta fin de semana longa. Lembrade que mañá é festivo no Rosal.

Esperamos que gocedes con este obradoiro!

Grazas á profe Cintia e aos participantes!

Receita de cociña de Zaira!

Zaira, de 2º ESO, ten esta proposta de cociña para vós.

Como traballo de galego gravouse facendo unha receita moi gorentosa e este é o resultado. Filloas xaponesas!

Podedes intentalo na casa. Se sodes pequenos pedide sempre axuda a un adulto, a cociña pode ser perigosa.

Grazas Zaira, ten unha pinta impresionante!

Moi bo traballo!

Atrapabolas caseiro!

O alumnado de 6º A trae hoxe unha proposta nova de obradoiro, "Como facer un atrapabolas caseiro"

No seguinte vídeo poderedes ver o que precisades e os resultados dos seus traballos.

Se sodes pequen@s pedide axuda a un adulto para cortar a botella. Pode ser perigoso!

Esperemos que vos guste!

Grazas á profe Cris e aos seus alumnos por esta achega!

Obradoiro científico!

Non podemos usar o Laboratorio de Primaria que está na Biblio do cole pero sempre hai alternativas...

O alumnado de 6º A realizou un obradoiro científico na casa, coordinado pola profe Cris.

Estudaron as mesturas e as súas clases. Aquí tedes o seu traballo, é un tema moi curioso!

 

Monicreques!

O alumnado de 6º A fixo monicreques de calcetín.

É unha boa proposta para facer as personaxes dos vosos libros favoritos!

Outra idea máis para pasar bos momentos na casa!

Deixade que voe a vosa imaxinación!

Grazas ao alumnado e a Cris por estas ideas!

Unha flor para o Día do Libro!

Se queredes pasar unha tarde divertida e darlle este agasallo a alguén da vosa familia, aquí tedes unha idea fantástica que nos enviou a profe Merce de Mates!

Grazas!

Idea publicada por Planeta de Libros.

Ideas para manualidades na casa!

O alumnado de 6º A móstranos neste video, ideas de manualidades para facer na casa. Nesta Semana do Libro poderedes facer miles de personaxes dos vosos libros favoritos. Só hai que botarlle imaxinación!

Xa veredes que cantidade de cousas distintas e divertidas se poden facer cos tubos do papel hixiénico.

Animádevos a facelo na casa!

Grazas ao alumnado de 6º A e á profe Cristina polas súas estupendas propostas!

Máis experimentos de 6º A!

Máis alumnos-as animáronse a facer o experimento da bolsa máxica. Aquí os tedes!

Probade nas vosas casas!

Grazas a Laura, Xoel e Sheila!

Parabéns! Moi bo traballo!