Unha tarde de música

Para que os que non estiveron poidan gozar das actuacións e para os que estivero para que revivan cada un dos mellores momentos. Parabéns aos artistas, aos músicos e ás voces, polas súas interpretacións. 

Proxecto documental integrado "Eu vivo aquí"

Niveis implicados		Ámbitos de traballo
		Lugares	Xentes				Xogos
			Escoitando			Indagando
Primaria	1º	Onde vivo				O meu pai é …
	2º
	3º	Os muíños A química e o viño		A escola de antes
	4º	Parroquias A química e o viño
	5º	Toponimia	Personaxes Deporte				Busca do tesouro
	6º		Deporte  Música			Os vellos oficios
Secundaria	1º	Mapa emocional Guía turística	A historia a través da pedra: charla e exposición Manuel de Ventosela				Busca do tesouro Club de jazz
	2º	As nosas árbores	Música				Club de jazz
	3º	Xogo de mesa	Sectores económicos		Cabaqueiros:  visita e exposición		Xogo de mesa Club de jazz
	4º	O Rosal nunha fotografía: fotos e descripcións					Club de jazz

Grape club

Un ano máis o Grape Club abre as súas portas. Desta vez quixemos homenaxear aos integrantes da Banda do Rosal que levan máis anos nesta agrupación musical. Baixo a batuta de Fernando e a organización de Sonia os artistas deron o mellor de si en cada unha das actuacións. Músicos e cantantes nos deleitaron coas súas interpretacións. Non se nos ocorre mellor broche final para despedirnos. 

 

Agardamos con entusiasmo o Grape Club do próximo curso.

Os cabaqueiros do Rosal

Esta é a homenaxe que os rapaces e rapazas de 3º da ESO lle quixeron facer aos cabaqueiros do concello. Explícannos o proceso de facer a tella, os materiais e a historia desta profesión. Non quixeron deixar esta oportunidade para recordar a "O Trintiña", Manuel Rodríguez Martínez, un veterano cabaqueiro do Rosal.

Cartel feito por Eva, Paula, Antía e Julio.

Cartel feito por María, Ana, Andrea Fernández e Paulo.

Cartel feito por Laura, Nuria e Andrea.

Cartel feito por Dani, Patrick, Javi e Eloy

Queres coñecer mellor a historia do Rosal?

Este é o libro que elaboraron os rapaces de 1º da ESO en Proxecto interdisciplinar. Fan un percorrido pola historia do Rosal a través da pedra.

Os cabaqueiros

Estiveron con eles unha mañá. Coñeceron de cerca o seu traballo. E agora queren compartir con nós o que aprenderon. Estes son os carteis que elaboraron os rapaces de 3º de secundaria sobre os cabaqueiros.

O Rosal na pedra

Despois dun curso de traballo os nosos compañeiros de 1º da ESO expoñen os carteis informativos que recollen a historia deste concello a través da pedra.

Os vellos oficios do Rosal

Os  alumnos e alumnas de 6ºB de Atención Educativa fixeron un estudo dos vellos oficios do Rosal. Para elo acudiron ás fontes, aos cabaqueiros, albardeiros, carpinteiros, ferreiros e muiñeiros. Falaron con eles e coñeceron de cerca os seus oficios. Grazas a José, Brais, Sheila, Jesús, Leticia, Marta Lomba, David, Carla, Patricia, Elena, Carolina, Sergio, Miguel, Vanesa e Kevin por este traballo. Grazas a Sabela por facelo posible!

 

As árbores do noso centro

Sabías que no noso centro temos 51 variedades de diferentes árbores? O alumnado de segundo de secundaria si. Perocorreron cada recuncho do patio, guiados por Rial e elaboraron unha ficha de cada unha cos seguintes aspectos: características(aspecto descritivo,altura, follas, flores, froitos e clasificación), onde vive, para que se utiliza e algunha curiosidade relacionada coa árbore. Aquí tedes o resultado:

O muíño de Nemesio

Os nenos e nenas de 3º de Primaria fomos ao muíño de Nemesio en Martín para que nos explicara como funciona. 
Queredes coñecelo?

Homenaxe á banda de música do Rosal

Semana de exposicións

Dende esta semana podemos gozar no espazo de lectura dos traballo que fixeron os nosos compañeiros: o xogo de mesa, o xornal, o mapa, as letras, os libros ...

 

Xogamos?

Convidámoste a xogar a un xogo de mesa diferente. Chámase "Eu vivo aquí". En cada partida deberás demostrar que eres o que mellor coñece a gastronomía, os deportes, a fauna e a flora, a arte e a música e a xeografía e a historia o Rosal. 

Os rapaces de Atención Educativa de 3ºB foron os deseñadores e creadores deste xogo tan especial. Dende hoxe o poderás atopar na biblioteca.

Parabéns a Asun Rivera e aos rapaces de 3ºB por este traballo!

O Rosal Times

Acaba de saír a primeira edición de O Rosal Times, o periódico que naceu nas aulas de 3º de secundaria. Quixéronse unir ao proxecto deste ano facendo un estudo dos sectores económicos no noso concello. 

 
Pero como fixeron este traballo? Elixiron unha actividade económica para traballar e buscaron información indagando na súa contorna. Ademais fixeron dúas saídas a empresas da zona para coñecer dous dos piares fundamentais da economía do Rosal: o viño e o envasado de produtos agrícolas.

  Moitas grazas a Andrea a aos rapaces de 3º da ESO por este traballo!

Onde vives?

Os rapaces de 4º de primaria están elabrando un un libro no que nos darán a coñecer o nos concello facendo un percorrido por casa unha das súas parroquias. 

Xa coñeces esta nova guía do Rosal?

http://guiaturisticadorosal.blogspot.com.es/

Tarde de poesía nas Aceñas

Os rapaces de 1º da ESO indagaron sobre a figura de Manuel de Ventosela, un dos poetas dos noso concello. Coñeceron a súa vida e a súa obra. Quixeron darnos a coñecer o seu traballo nun escenario moi especial, as Aceñas. Se premes na foto descubrirás o resultado...

Grazas a Sonia e aos rapaces de 1º da ESO por este agasallo!

Un mapa diferente

Dende hai uns días este mapa preside a entrada do colexio. É un mapa do Rosal moi diferente. Os rapaces de primeiro da ESO dannos a coñecer os seus recordos, as súas vivencias e os lugares que máis lle gustan do seu concello. Aparecen os espazos máis íntimos (o seu cuarto, a súa casa), a escola e os espazos públicos.

Este collage de imaxes (deseños, debuxos, sinales e fotografías), convídanos a sinalar os lugares cos seus nomes .