Obradoiro de programación

Durante toda a semana, con motivo do Día Internacional da Muller, terán lugar na biblioteca diferentes obradoiros organizados polo noso voluntariado para dar a coñecer o labor e as achegas das mulleres á innovación cultural, científica e intelectual.

Nesta liña, Ángela, Lea e Marcos inspiráronse na informática Annie Easley, unha das primeiras afroamericanas en traballar na computación da NASA, para ensinarlles ao compañeiros e compañeiras de 5ºA a programar a través de Scratch S4A.

Mañá haberá unha segunda quenda para o alumnado de 5ºB

<<A miña nai sempre me dicía "Podes ser o que te propoñas. Non importa o aspecto que teñas, da igual o teu tamaño, a túa cor...Podes ser o que queiras, pero tes que traballar 

moito niso" >>.

Annie Easley

3, 2, 1...

Xoves de cine!
Un total de 21 alumnos e alumnas de Secundaria aterrizaron por unhas horas en Marte para porse na pel do astronauta protagonista da película de Ridley Scott.

Pero antes da misión tocaba coller forzas!

Unha vez relaxados nas butacas, desfrutaron dos momentos de emoción, drama, supervivencia e humor da película.

Por outra banda, esta mañá tivo lugar a entrega de premios aos gañadores e gañadoras do concurso de investigación sobre mulleres científicas. Todos os participantes recibiron unha chapa, calendario e marcapáxinas co cartel ilustrado polo noso director, Xosé Tomás, para as bibliotecas escolares de toda Galicia. Os gañadores, ademais, recibiron unha figura feita coa impresora 3D.

María Lorenzo, Carlota Carrero e Alba González, de 6º B, foron as premiadas na categoría de Primaria.

 Lucas González e Xoel Rodríguez, de 2ºB, os gañadores de Secundaria.

 Por último, unha foto de todos os concursantes.

Moitas gracias por participar!
E mañá...

Na Quinta pasan cousas

Venres, 9:00 horas da mañá, un novo día no centro por escribir e unha xornada máis na que nos espazos da Quinta dos Libros comezan a pasar diferentes cousas:

Iria e Zaira, alumnas de 4º da ESO, explícanlles no laboratorio aos nenos e nenas de 3º de Primaria, a través dun experimento sinxelo, como é un líquido non newtoniano. Para iso só precisan fariña de millo (maicena) e auga. Á primeira vista trátase dun líquido coma calquera outro, mais unha vez que comezan a darlle golpes secos podemos apreciar como a mestura se mantén sólida, mentres que se sumerximos a man lentamente actúa coma un líquido.

Observamos tamén como algunha usuaria apura coas últimas respostas do concurso de investigación de mulleres científicas.

E para finalizar vemos desfilar a “comparsa” de mochilas cara as casas rosaleiras, quizais para compartir en familia as últimas lecturas do Entroido.

O resumo deste venres da Quinta, no seguinte vídeo:

"As bibliotecas son as portas de entrada ao Universo"

Jackie Anton 

A Biblioteca ou o lugar para xerar aprendizaxes

Esta semana a Quinta dos Libros énchese de actividades para conmemorar o Día da Muller e a Nena na Ciencia.

Por todos é coñecida a desigualdade de xénero existente nos sectores da ciencia. De aí a importancia de ofrecerlle aos nosos alumnos e alumnas, por igual, a oportunidade de desenvolver a vocación científica desde as primeiras idades.

Esta mañá, cinco nenas de 6º, Ángela, India, Lea, Nerea e Noa prepararon no Laboratorio "Angel Carracedo", dependencia máis da biblioteca, un obradoiro científico sobre a célula e o ADN , destinado ao alumnado de 5º de Primaria. 

Por outra banda, a biblioteca tamén dá a posibilidade de desenvolver o traballo cooperativo, compartindo recursos e espazos á vez que se realizan tarefas conxuntamente, nas que o alumnado se axuda e se anima á hora de aprender. Por este motivo,  como é o caso da materia de Inglés de Secundaria, teñen lugar diaramente clases lectivas na Quinta dos Libros.
Hoxe mesmo, investigaron en lingua extranxeira sobre mulleres científicas a través dos ordenadores e tablets. 

Podedes ver o resumo da xornada neste vídeo:

"As mulleres temos o mesmo potencial para facer ciencia. Non se lle dá as mesmas oportunidades nin se lles valora tanto coma aos homes"

Gabriela González

Día Internacional da Muller e da Nena na Ciencia

O vindeiro 11 de febreiro conmemórase o Día Internacional da Muller e da Nena na Ciencia. Unha iniciativa da Asamblea Xeral das Nacións Unidas co fin de promover a participación equitativa e plena de mulleres e nenas na ciencia, recoñecendo desta maneira o papel clave que o xénero feminino ten na comunidade científica- tecnolóxica.
Na Quinta dos Libros queremos sumarnos a esta conmemoración e para iso propoñémosvos o seguinte concurso:

Preme para ver as mulleres científicas que tedes que investigar. Toda a información está dispoñible nos libros do proxecto ELLA, incorporados durante este curso ao catálogo. As follas coas imaxes para relacionar con elas, estarán na biblioteca.

Animádevos a participar!

"Debemos entre todos asumir o compromiso de poñer fin aos prexuízos e de ofrecer máis oportunidades ás nenas e mulleres de participar na ciencia, para que as persoas poidan beneficiarse das súas innovadoras contribucións no futuro"

Secretario Xeral ONU, Antonio Guterres

As mulleres científicas como protagonistas

Ao longo da historia moitas mulleres destacaron na ciencia. Os alumnos de Educación Plástica e Visual de 4º ESO fixéronas protagonistas dos seus carteis publicitarios.

Lina Bo Bardi e 2º ESO

Lina Bo Bardi foi unha das primeiras arquitectas que destacou nun mundo de homes. Neste trimestre, as alumnas e alumnos de tecnoloxía de 2º ESO construíron mobles deseñados por ela. E este é o resultado!

Tamén uníronse a este proxecto algúns alumnos e alumnas de informática de 4º ESO, buscando información e deseñando carteis sobre esta arquitecta.

Moitas grazas pola vosa aportación!

Mulleres na saúde: abrindo portas á vida

Neste percorrido polas mulleres na ciencia faltábanos alguén do noso entorno. Loli Estévez, a comadrona que axudou a moitos de vós a vir á vida, estivo onte cos alumnos de 6º de primaria. 

Grazas Loli, por pasar este ratiño con nós e explicarnos o misterio da vida! Grazas Marta, por compartir cons teus compañeiros o traballo que cada día fai a túa nai!

E grazas as profesoras e aos alumnos que participaron nesta actividade!

Unha visita especial

Neste percorrido polas mulleres científicas a nosa compañeira de 4º ESO, Carla Cerqueira, deunos a posibilidade de coñecer de cerca o traballo de Marisol Soengas. Esta bióloga molecular naceu nunha aldea de Agolada, formouse durante once anos en Estados Unidos e actualmente é a directora do grupo de Melanoma  do Centro Nacional de Investigacións Oncolóxicas (CNIO). 

Este venres deixou os seus estudos e investigacións para acercarse a nosa biblioteca, neste recuncho de Galicia onde o Miño chega ao seu fin. Foi un pracer que acudira a nosa Quinta e que compartira con nós os seus coñecementos, o seu entusiasmo e a súa paixón polo que fai. 

Grazas Marisol polo teu tempo e dedicación! 

Obradoiro de química na cociña para os pequenos

Na tarde do xoves 24 de novembro, un numeroso grupo de alumnos e alumnas de 3º e 4º de Primaria participaron con moitas ganas nesta actividade impartida por Nuria López, profesora de Física e Química do noso centro.
Xogamos a ser detectives e descubrimos que líquidos eran ácidos e cales non.
E todo grazas a esa hortaliza de cor morada chamada lombarda...

Aprendimos novas palabras como esferificación e utilizamos productos de nova cociña...

Fixemos un fluído non newtoniano con ... Ah! é un segredo para os que estiveron alí.

E tamén inflamos globos sen soprar. Todo un descubrimento.

Así estaba a nosa mesa chea de ingredientes, instrumental científico e outros obxectos.

Daquela, grazas a Nuria por achegarnos un pouquiño máis ao mundo da química, e  tamén a todos os que viñéchedes a participar.

Unha muller nun mundo de homes

Levamos dous meses investigando sobre as mulleres científicas. E xa comezamos a ver os primeiros resultados. Os alumnos de 4º ESO plasmaron o seu traballo en carteis publicitarios que elaboraron con Elena, profesora de plástica, e ofrécennos a posibilidade de coñecer de cerca algunhas destas mulleres. 

 Hoxe Fany presentou aos seus compañeiros de 1º e 2º ESO a Carmen Porto.

Unha muller que soubo triunfar nun mundo de homes: foi a primeira muller radioterapeuta de España, a primeira que formou parte do claustro de medicina e a primeira ao frente dun sevizo do Sergas.

Falounos dos seus estudos, do seu traballo, da súa vida... Das súas palabras desprendíase a súa pasión polo seu traballo, o seu entusiasmo na loita contra o cancro e a súa dedicación aos seus pacientes. 

Grazas Carmen por compartir con nós a túa experiencia!

Somos un pouco máis químicos

Sabes diferenciar un ácido dunha base?

Sabes que é a esferificación?

Sabes inflar un globo sen soplar?

 E sabes que é un fluído non newtoniano?

Nós si!

Grazas a todos os que participaron neste obradoiro "Química na cociña" e grazas a Nuria por facelo posible!

Últimos días: extras

Banda sonora

Las canciones que suenan en la película son de un grupo musical que ha aportado, además, un tema original a la banda sonora. ¿Cuál es el nombre del grupo?

Pista: Imagen siguiente del matemático y astrónomo alemán Johannes Kepler (1571 – 1630).

Paradojas

Hilbert comenta esa paradoja tan famosa: ¡Yo solo sé que no sé nada! Olivia dice a Galois: ¡Has descubierto que no has descubierto nada!

Se nos presenta una historia antigua donde vemos a unos jueces y una horca situados en el centro de un puente. Todo el que quiera pasar e ir al otro lado ha de decir adónde y a qué va. Si dice mentira se le ahorcará, y si dice la verdad pasará sin problemas.

¿Cuál será la decisión más justa que habrán de tomar los jueces?

Poliedros en los títulos de crédito y pseudocameos

Cuando empiezan a colocar estanterías en el suelo para contrarrestar la fuerza de las prensas hidráulicas, van colocando libros y los directores hacen un "pseudocameo" con los libros de Luis Piedrahita y  Pablo Motos. 

¿Quién es la autora de Permutaciones?

Pista: Profesora en A Mata, escultora.

La cena

La película comenzó con la conjetura de Golbach y durante la cena Hilbert menciona la conjetura de Kepler: El sistema más eficaz para empaquetar esferas del mismo tamaño, es decir, de manera que ocupen el mínimo espacio, es el apilamiento en forma de pirámide.

¿Qué le recuerda a Hilbert esta conjetura?

Pista: Imagen de la cena.