Contacontos musicado!

 O voluntariado da Biblio de 5º A de EP, fixo hoxe unha sesión de contacontos moi especial!

 A música acompañou a contada!

Unha experiencia preciosa!

Seguimos traballando o noso PDI "O acorde da Quinta" no marco da Semana das Bibliotecas Escolares!

Parabéns! Moi bo traballo!

Paula Carballeira na Mata!

 Hoxe contamos coa visita dunha das grandes contadoras de historias de Galicia, Paula Carballeira! Tamén é escritora e actriz.

No marco do Club de Letras, fixo dúas contadas: unha para os pequeniños de 1º e 2º de Primaria, e outra para 3º A e B de Primaria. Dúas sesións moi divertidas e estimulantes, onde non faltaron as gargalladas, os xogos co corpo e un lote de divertidas dinámicas. E, como non podería faltar, houbo tamén entrevista na Voz da Mata, a cargo de Julia e Aldo de 3º EP.

Aquí tedes unha mostra das contadas e da entrevista na Voz da Mata

 

 

Se queredes escoitar a entrevista completa visitade a nosa canle de IVOOX, a Aula Virtual do CPI ou premede AQUÍ.

Grazas Paula por facernos ver a importancia da palabra nas idades máis temperás!

Traballamos pola Paz!

 O alumnado de 2ºEP estivo traballando o tema da Paz partindo da actividade do contacontos que fixeron os voluntarios-as para eles-as!

 Vaia obras de arte!

 Parabéns polo voso traballo!

Contacontos pola paz do voluntariado de 2º ESO!

 Seguindo coas actividades desta semana, o voluntariado da Biblioteca de 2º ESO gravou un contacontos pola paz para o alumnado de 3º EP.

 Parabéns! Un traballo estupendo!

Charo Pita e O rato que quería un palacio!

Unha nova achega da escritora Charo Pita para os máis peques do CPI.

Charo tráenos esta vez O rato que quería un palacio. Un conto marabilloso para que o gocedes en familia e poidades seguir na casa coa vosa hora de ler.

Grazas Charo pola túa xenerosidade!

No país do Vento! Charo Pita

No país do vento...Un agasallo de Charo Pita para que gocedes nestas vacacións!

Grazas Charo, por deixar que acheguemos estas marabillas ao noso alumnado!

Recibimos unha mensaxe do escritor Roberto Aliaga!

O autor Roberto Aliaga felicita o noso alumnado pola interpretación do seu conto "A tartaruga que quería durmir".

Grazas Roberto por este xesto tan fermoso co noso alumnado e pola túa sensibilidade nestes días tan difíciles que estamos a vivir.

Grazas de parte da Comunidade Educativa do CPI.

O moucho aburrido, por Paula Carballeira!

Hoxe un conto con Paula Carballeira, O moucho aburrido. Pertence ao Salón (virtual) do libro de Pontevedra.

Esta autora ía visitar o noso centro porque en Primaria, os nenos-as de 3º, fixeron a lectura do seu libro Bruxa e familia. 

Xa faremos esta actividade, queda pendente para a volta!

Deixamos aquí o vídeo do conto para que gocedes con el!

Conto para a hora de ler: "El dedo en la nariz"

Nova entrega de Contos con Lucía!

O conto de hoxe é "El dedo en la nariz", seguro que o pasades moi ben con esta nova historia para a vosa hora de ler.

Grazas Lucía!

Charo Pita na Voz da Mata!

Os alumnos-as voluntarios-as da Voz da Mata gozarían hoxe dunhas sesións de Formación en Radio a cargo de Charo Pita.

Como xa sabedes, todas as nosas actividades presenciais están canceladas.

Pero Charo Pita deixou un agasallo para os máis pequeniños-as. Un precioso conto  que se pode alongar o que se queira e converter nun xogo de repetición e memoria: "Os animais do mar"

Esperamos que vos guste!

Charo, esperamos recibir a túa visita en pouco tempo! Grazas!

Nova entrega de Contos con Lucía!

A profe Lucía preparou outro conto para que o alumnado poida gozar da hora de ler!

Nesta ocasión: "Animais de Compañía"

Moitas grazas Lucía! Moi bo traballo!

Contacontos alumnado de 3º Primaria!

Diego e Saray de 3º EP, dende a súa casa, prepararon este conto para os nenos-as do CPI. 

Son usuarios activos da nosa biblioteca e gústalles moitísimo contar contos. 

Nesta ocasión o conto é: "Cómo consolar a una ardilla"

Moitísimas grazas a vós e á vosa familia!

É un traballo estupendo! Parabéns!

Contacontos Voluntariado!

O alumnado de 1º EP foi un espectador especial no contacontos que houbo, uns días antes de que marcharamos para a casa, na biblioteca.

Dúas voluntarias da biblio, Ainoa e Sara de 5º B, fixeron as delicias dos máis cativos sendo moi boas relatoras do conto "No le hagas cosquillas a un tigre" e contaron con Xavi, tamén de 5º B, e as súas cabriolas.

Un aplauso para estes cativos que foron un público marabilloso!

Contacontos no Día do pai!

Precioso contacontos da profe Lucía para que os máis pequeniños-as do cole poidan ter a súa hora de ler.

 E hoxe o conto non podería ser mellor! Parabéns a tódolos pais da nosa comunidade educativa. Con moitísimo amor para eles!

FELIZ DÍA DO PAI!

Contacontos 2º de Primaria

Na hora de ler, tres alumnos de 1ºESO, Nadia, Inés e Khaled, léronlles contos aos alumn@s de 2º de primaria.

A experiencia foi moi bonita!

Repetiremos seguro!

Moitas grazas aos lectores expertos que leron para os cativos do cole.

INTERCAMBIO CONTACONTOS

Xa tivemos as últimas sesións do intercambio de contacontos co CRA María Zambrano. 

A mestra Gloria contou co conto "A Raíña das tortas" nas aulas de Couso.

Foi todo un éxito!

 

Continuamos con intercambio de contacontos!

A semana pasada, a mestra Bea do CPI, estivo na escola de Tabagón facendo un contacontos, dentro do ciclo de intercambio que se está a levar a cabo desde o noso centro e o CRA María Zambrano.

O conto elixido foi "Moncho e a Mancha"

No CPI tivemos a visita das mestras Rebeca e Bea, que lle contaron ao alumnado de 1º o conto "Nube branca quere ser astronauta"

Foi fantástico!

Moitas Grazas!

Contacontos en Fornelos

Continuamos cos Intercambios de contos entre o CRA María Zambrano e o CPI.

Nesta ocasión os voluntarios da biblioteca de 6º de primaria, Lucía, Pablo e María, acudiron á escola de Fornelos a contar o conto "A princesa do Caurel"

Foi unha experiencia xenial!

 

Intercambio de contacontos

Desde hai xa varios anos, vimos a desenvolver unha actividade conxunta co Equipo de normalización lingüística do CPI e co do CRA María Zambrano. A actividade consiste nun intercambio de contacontos. Desde o CRA, acoden mestres contar contos a 1º, 2º e 3º de Primaria, e desde o CPI, acudirán alumnos e voluntarios da biblioteca a todas as aulas do CRA. 

O contacontos do que gozaron os alumnos de 1º de Primaria correu a cargo do profe MONCHO, da escola de Fornelos, e o título elixido foi " Nin Laranxa, nin lila". Ademais, explicoulles como facer copias con xelatina! 

Moitas grazas. Encantounos!

O alumnado de 2º gozou dun conto narrado pola mestra BEA, e o título elixido foi "O que máis doe do mundo".

Pasárono xenial intentando adiviñar que é o que máis doe no mundo.

Moitas grazas, Bea!

O alumnado de 3º gozou co contacontos do profe Manolo, da escola de Pías. Contoulles dous contos: "O que máis doe no mundo" e "A nai do heroe". Pasárono moi ben. 
Moitas grazas, Manolo!

Para a semana que vén, continuará o intercambio.

DÍA DO LIBRO

Volvemos das vacacións con máis enerxía ca nunca e coa celebración do DÍA DO LIBRO!

Sabedes por que se celebra un 23 de abril?

Seguro que algúns si, pero como é un dato moi curioso ímolo contar!

O 23 de abril de 1616 morreron tres grandes escritores, Miguel de Cervantes, William Shakespeare e Inca Garcilaso de la Vega. 

En conmemoración, desde a nosa biblio, fixéronse varias actividades:

APADRIÑAMENTO LECTOR:

Actividade que levamos moitos anos a facer, que consiste en que un maior lle le a un alumno máis pequeno. Nesta ocasión fíxose desde o voluntariado de 5º e 6º, ao alumnado de 1º e 3º de Primaria

CONTACONTOS MUSICADO:

O alumnado de 4ºA de Primaria repetiu o contacontos musicado, representado hai uns días no CRA. Nesta ocasión, para o alumnado de 3ºESO.

O contacontos baseouse no libro de poemas "Paseniño, paseniño" de Antonio García Teijeiro e a música correu a cargo de Héctor Varela, que nos deleitou co seu violín eléctrico!
 

VÍDEO CONTO:
Membros do club de lectura de secundaria de O LIBRAKO, quixeron compartir con todo o centro a lectura do álbum ilustrado Lúa crecente, tempo de... Sementes, de Sonia García, acompañado da música de Álvaro Buxeiro.
Hoxe, tanto no recreo como na hora de ler, puidemos gozar del na entrada do centro. Unha preciosidade!