Día Mundial da Radio!

 Hoxe, 13 de febreiro, festexamos o Día Mundial da Radio!

Este ano participamos, para celebralo, en dous proxectos estupendos.

Colaboramos coa Rede Espora nun programa especial no que se fala da necesidade de contrastar as informacións e do rigor xornalístico.

Representáronnos Noé, Ángela e Antía de 4º ESO!

 Podedes escoitar a nosa participación premendo AQUÍ.

Tamén colaboramos con Ponte nas Ondas falando dun ben inmaterial moi importante para nós: os Muíños do Folón e  Picón. 

Paula, Iria, Marco e Miguel, de 5º B EP, fixéronse cargo desta representación! 

 Podedes escoitar a nosa participación na páxina web de Ponte nas Ondas ou premendo AQUÍ.

E para pór un broche final a esta xornada festiva e tan importante para A Voz da Mata, presentamos o 1º Programa do Club de comic "O puño e a letra" no que Sabela Adrover, Sabela Rodríguez e Danae de 3º ESO B, fan unha análise do mundo Manga impresionante a través dunha lectura que lles encantou.

Se tedes curiosidade por descubrir de que falaron preme AQUÍ. 

Grazas a todos-as os-as participantes nesta celebración por un traballo marabilloso!

 

Programación da Semana da Radio 2022!

 Hoxe celebramos o Día Mundial da Radio!

Esta semana estará chea de sorpresas relacionadas coa Voz da Mata, San Valentín, o noso proxecto...e moitas cousiñas máis!

Esperamos que vos guste e que a gocedes!

Colaboración con Ponte nas Ondas!

 Falta moi pouquiño para festexar o Día Mundial da Radio!

O noso centro, dende vai uns anos, colabora coa celebración que fai "Ponte nas Ondas"ese día.

Esta vez, participamos cun programa marabilloso sobre os Muíños de Folón e Picón, realizado polo alumnado voluntario da Radio de 5º B EP.

Poderedes escoitalo proximamente na páxina de "Ponte nas ondas"!

Parabéns! Moi bo traballo! 

Grazas a Paula, Iria, Marco e Miguel!

Feliz Día de San Valentín!

 Aproveitando que esta semana festexamos o Día Mundial da Radio, dende a Voz da Mata organizamos un Concurso de mensaxes de amor!

Houbo moita participación e foi moi difícil escoller as mensaxes gañadoras.

Mensaxes de amizade, de amor na familia, nos compañeiros-as, amor propio...Temos unha grande variedade!

E tamén amor en varios idiomas: galego, castelán, inglés e francés.

Estes son os nosos talentosos-as escritores-as:

Grazas por participar e parabéns por ofrecernos unhas mensaxes de amor tan marabillosas e cheas de sentimento!

Se queredes escoitar o Programa Especial San Valentín premede AQUÍ ou visitade a nosa canle de IVOOX.

Tamén podedes escoitar o programa na aula virtual.

Grazas a todo o profesorado que colaborou coa Voz da Mata para facer esta actividade!

Grazas ao alumnado por participar!

Feliz Día de San Valentín!

Día Mundial da Radio 2021, colaboración coa Rede Espora!

Un ano máis, colaboramos co programa que realiza a Rede Espora no Día Mundial da Radio.

Este ano falan da radio de antes e de como os nosos maiores viviron a experiencia de escoitala.

O alumnado de 6º B estivo a pescudar sobre este tema e fixo unha serie de entrevistas aos seus avós e avoas.

Se queredes escoitar o programa e a intervención do noso centro premede no seguinte enlace. 

http://espora.eu/dmr21/

Abrimos o programa! Poderedes escoitar tamén as experiencias doutros centros!

Esperamos que vos guste!

Grazas ao alumnado de 6º B e a Elvira por coordinar esta participación!

Grazas á Rede Espora por contar con nós para o seu programa especial!

Día Mundial da Radio 2021!

 Hoxe celebramos, dende a Voz da Mata, o Día Mundial da Radio.

Para nós é unha data moi importante, porque a nosa Radio leva catro cursos traballando para achegar este medio ao noso alumnado.

A Voz da Mata xa forma parte da nosa identidade.

Este ano colaboramos con "Ponte nas Ondas" nun proxecto moi interesante para festexar este día.

Contamos como é a nosa Radio para que noutros coles saiban como traballamos!

Se queredes escoitar a nosa participación podedes picar no seguinte enlace

http://escolasnasondas.com/

Tamén podedes visitar a nosa canle de IVOOX.

Esperamos que vos guste!

Semana da Radio!

 As actividades de Voz da Mata desta semana estarán adicadas ao Día Mundial da Radio, que se celebra o 13 de febreiro.

O Día Mundial da Radio compartirá protagonismo co Entroido. Aquí tedes o noso timbre musical para esta semana.

Ao longo da semana iremos publicando todas as actividades que faremos para festexar ese día tan importante para nós. Estade moi atentos-as!

Falamos da nosa Radio!

 Hoxe, na Voz da Mata, fixemos un programa falando da nosa Radio.

 Forma parte dunha colaboración que estamos a facer con "Ponte nas ondas".

 Estiveron con nós India, Noé, Dana, José e Lea como reporteiros-as. Tamén contamos con Soraya como reporteira gráfica. Parabéns polo voso traballo!

Día Mundial da Radio. Rede Espora!

Hoxe celebramos o Día Mundial da Radio. O mellor xeito de facelo é co programa dos nosos compañeiros-as da Rede Espora. A Voz da Mata fixo unha colaboración falando do Colectivo VIA do noso centro.

 Grazas por esta oportunidade!

Se queredes escoitar o programa visitade a páxina da Rede Espora ou picade no seguinte enlace.

Escoitar programa Rede Espora 

Poemas do Miño!

Máis actividades do PDI e da Semana da Radio!

Hoxe o alumnado de 3º B de EP gravou un fermoso programa con poemas do río Miño.

Parabéns!

As lendas do Miño!

Hoxe, o alumnado de 5º B de Primaria gravou un programa sobre as lendas do río Miño, dentro do noso PDI e como actividade para celebrar o Día Mundial da Radio. Fixeron un marabilloso traballo de investigación que despois levaron as ondas da Voz da Mata. Parabéns polo voso esforzo e bo facer!

No noso timbre soará...

Dende o día 10 ao 14 de febreiro, Semana da Radio no CPI, no noso timbre escoitaremos temas relacionados coa Radio...

Estade moi atentos-as!

 

13/02/2020 Día Mundial da Radio!

A vindeira semana celebraremos a Semana Grande da nosa Radio cun montón de actividades, xa que o 13 de febreiro é o Día Mundial da Radio.

 Esta é a programación!

Esperamos que gocedes coa Voz da Mata!

 

Día Mundial da Radio! Participación da Voz da Mata no programa da Rede Espora.

Por terceiro ano consecutivo, A Voz da Mata, participa no programa da Rede Espora que celebra o Día Mundial da Radio, o vindeiro 13 de febreiro.

Raquel e Joel, de 4º ESO, son os nosos representantes na gravación dun programa sobre diversidade. O noso proxecto VÍA estará nas ondas!