Patricia "Sen máscaras"

 Hoxe visitou A Voz da Mata Patricia. Foi entrevistada por Valeria e Greta de 1º ESO.

 

Descubrimos moitas cousas dela. É unha grande lectora, a súa familia é moi especial para ela e ser nai foi unha experiencia que lle cambiou a vida. Vive esta pandemia con moita prudencia e está moi contenta no noso centro.

Vivíu un tempo en Huelva e bota de menos as súas amizades de alí.

Se queredes saber máis cousas da profe de Bioloxía da ESO, escoitade a súa entrevista completa na nosa canle de IVOOX ou premede AQUÍ.

Neste vídeo tedes un adianto da entrevista con Patri.

Moitísimas grazas, Patricia por unha entrevista chea de emocións!

Grazas a Valeria e a Greta por facelo tan ben. Parabéns!

Club de detectives 6º A. As vacinas!

O alumnado de 6º A estivo a investigar sobre as vacinas xa que é un tema moi importante, e máis nesta época que estamos a vivir a pandemia do COVID-19.

Se queredes saber máis sobre este tema escoitade o programa na canle de IVOOX da Voz da Mata.

Grazas a Leire, Laura, Xoel, Miriam, Andrés e Alba!

Tamén á profe Cris e a Ana Flores por coordinar este traballo.

Pechamos a Semana da Radio celebrando San Valentín!

Mañá pechamos a Semana da Radio celebrando San Valentín!

Na entrada do cole faremos o visionado do programa especial no que estarán presentes as linguas que se aprenden no CPI: Galego, castelán, portugués, francés e inglés. 

Esperamos que vos guste!

 Haberá unha sorpresa doce para os/as asistentes! 

Alí estaremos!

O Programa Piale na nosa Radio.

Hoxe, o equipo de voluntarias da Radio de 3º A ESO fixo a gravación dun programa que tivo como eixo central a participación de Elena, o nosa profe de Educación Plástica e Visual, no Programa Piale.

Foi unha entrevista moi interesante e entretida. Podedes escoitala na nosa canle de IVOOX.

Programa Radio Burela co IES Perdouro!

Hoxe tivemos o pracer de realizar un programa de Radio conxunto cos nosos compañeiros-as do IES Perdouro de Burela. Fixéronlle entrevistas ás nosas neofalantes de lingua galega. Foi unha experiencia estupenda. Grazas ao IES Perdouro, a Bernardo, a Karina, ás famous five, a María e ao noso equipo da Radio por facelo posible. Ata a vindeira emisión!

A Axencia de Detectives de 6º A ataca de novo!

A Axencia de Detectives de 6º A, gravou hoxe un estupendo programa sobre a orixe e historia dos "chicles". Un tema moi interesante. Parabéns!

Comezan os programas de radio nos recreos!

Ao longo deste mes e, despois da formación en radio para o alumnado, comezaron os programas que grava o alumnado de xeito autónomo nos recreos.
Fixemos un calendario porque neste curso hai moitos grupos estables.
Hoxe gravaron Noa e Laura, de 3º ESO C. Fixeron un fantástico programa sobre Manga. Estivo xenial! Parabéns!
Estade atentos-as á nosa canle en IVOOX porque iremos colgando as producións destes grupos de voluntarios-as da Voz da Mata.

Gravación dos relatos de terror do concurso A Voz da Mata

Onte gravamos, na Voz da Mata, os dous Relatos de Terror gañadores no concurso organizado pola nosa Radio entre o alumnado de 5º e 6º EP.

Son dous relatos que dan moito medo! Ideais para esta semana do Samaín.

Parabéns as nosas pequenas escritoras!

Se queredes escoitar o programa, entrade na nosa canle en IVOOX.

DÍA DE ROSALÍA DE CASTRO

O día 23 de febreiro celébrase o Día de Rosalía de Castro en Galiza. 

Este ano, xunto co Equipo de Normalización Lingüística, realizamos varias actividades. 

Por un lado, gravouse un programa de radio, do que se fixo unha montaxe audiovisual, que podedes ver a continuación, e que se proxectou na pantalla da entrada da escola. 

Por outra banda, alumn@s de 4ºESO e Tomás, musicaron diversos poemas de Rosalía. 

Foi moi bonito. Podedes ver un anaco a continuación.

Rosalía é, e será, a nosa escritora galega por excelencia.

TIMBRE RADIOFÓNICO

Continuando coas actividades desta semana adicadas á Radio, o timbre desta semana do noso centro, está relacionado con películas e a radio. 

MELLORAS NA BIBLIOTECA

Queremos mostrarvos todas as melloras que fixemos ao longo do curso pasado na biblioteca, grazas á achega do Proxecto Lía. 

Ademais das melloras na propia biblioteca o que fixemos foi expandir a biblio polo centro. 

Esperamos que vos guste!