mércores, 15 de abril de 2020

Exposición Virtual de José Valentín!

Hoxe temos a sorte de presentar unha exposición de José Valentín.
É un artista de Betanzos, avó dos nosos alumnos Tomás, de 5º EP, e Manolo, de 3º ESO
Tamén é pai do profe Xosé Tomás.

José Valentín traballou no CIEC (Centro Internacional de Estampa Contemporánea). Alí entrou en contacto co seu director e amigo, o gravador Jesús Núñez.
Iniciou unha carreira de produción propia e levou a cabo numerosas exposicións en diversos puntos de Galicia, Portugal e Alemaña.

Tamén é poeta. Escribiu, xunto con Luz Pozo, "Deter o día cunha flor". Así mesmo, publicou outro poemario ilustrado coa poeta Olga Patiño Nogueira, "Atmosferas".

Foi convidado pola Casa de España en París e a súa obra xa está presente nos fondos do Museo do CIEC.
A súa xilografía foi seleccionada na IX Bienal de Pintura Balconadas e na X Edición foi galardoado co premio popular. Elixiron a súa obra para o premio Máximo Ramos de Ferrol.

José Valentín é un artista moi relevante. Grazas por deixar que a túa obra chegue ao alumnado do CPI nestes momentos tan complicados! 
Es moi xeneroso!
Esperamos que gocedes desta beleza!
Presentamos na montaxe a Exposición que se celebraría no mes de maio en Betanzos, pero que quedou anulada polas circunstancias.

GRAZAS!





Ningún comentario:

Publicar un comentario

Que esta Quinta estea viva depende de ti.