Día da Radio

Está ben iso de conmemorar os "Días D" xa que desta maneira, polo menos unha vez ao ano, recordamos os grandes problemas sen resolver e polo tanto, a necesidade de seguir sensibilizando e loitando conxuntamente. Serven tamén, como é o caso que nos ocupa, para lembrar a contribución á humanidade dun medio como é a radio.

Como xa vos adiantáramos a semana pasada, estivemos colaborando, xunto con outros centros que participan en Radio na Biblio, coa Rede Espora para conmemorar o Día da Radio.

Trátase dun proxecto que unifica Biblioteca, Radio, Igualdade da Muller e Deportes nun só programa de repercusión mundial. Pretende dar a coñcecer o traballo de mulleres deportistas de éxito, con moi pouca presenza nos medios de comunicación, a través de locutoras noveis das escolas.

A locutora do noso centro que colaborou con esta iniciativa foi Elena Santos, de 4º da ESO. Unha gravación centrada no traballo e éxitos de Lidia Valentín, campiona de halterofilia.

Preme para escoitar o podcast
Podedes tamén visualizar a nosa participación na web de Espora e o evento para a UNESCO.

"A radio é o medio máis dinámico, reactivo e atractivo que existe; adáptase aos cambios do século XXI e propón novas formas de interactuar e particiar".

UNESCO