O Libro Infantil

Como cada ano a Organización Internacional -Ibby- promove a conmemoración, coincidindo coa data de nacemento do escritor danés Hans Christian Andersen, do Día Internacional do Libro Infantil.
A ilustración e mensaxe do cartel correspondeulle facelo a Letonia. A imaxe é de Reinis Petersons, recoñecido debuxante deste país báltico. A escritora encargada do texto foi Inese Zandere, poeta e activista da promoción da lectura, quen titula a súa mensaxe: 

Os libros fan grande o máis pequeno.

Para conmemorar este día o voluntariado da biblioteca da aula de 6º B leulle un conto dos Bolechas aos máis novos do colexio. Ao remate, cada neno e nena de 1º de Primaria levou un exemplar da obra creada por Pepe Carreiro.

"Un libro infantil representa o respecto pola grandeza do máis pequeno. Representa un mundo que se crea de novo unha e outra vez."

Inese Zandere