Drons na escola

Onte, no recreo, o alumnado de 4º de primaria tivo a oportunidade de descubrir os drons. Esta actividade, encaixada no Mes da Ciencia da Biblioteca, correu a cargo da mestra Lara Salgado, quen explicou as partes máis importantes dos drons, os seus perigos e como gozar deles ao máximo de forma segura. 
Tamén falamos dos usos actuais que teñen os drons que van máis aló que ser un simple xoguete, por exemplo para a gravación de imaxes, para facer envíos, en situacións de emerxencias e incendios, para buscar persoas, fins arqueolóxicos e xeolóxicos, para a investigación... moitos usos descoñecidos na nosa sociedade. 
Non deixan de ser obxectos que voan, polo que hai que ter moi clara a normativa vixente ao respecto. Non se poden voar drons en todos os lugares: De feito en España é bastante restritivo o espazo onde os podemos ver voar. 

Así que se tes un dron, infórmate primeiro sobre a normativa vixente e goza xogando coa tecnoloxía de forma segura!