Tintín, o intrépido reporteiro e detective, creado por Georges Remi, máis coñecido por Hergé, cumpre 90 anos. O 10 de xaneiro de 1929, o xove periodista apareceu por primeira vez na tira cómica "Le Petit Vingtième", acompañado polo seu fiel amigo, o can Milú. Desde entón, Tintín converteuse no protagonista dun dos cómics máis importantes de Europa. Desde a Quinta dos libros queremos facerlle a nosa pequena homenaxe a este aventureiro reporteiro e durante uns días teremos expostos os cómics de Tintín. Animádevos a collelos e a gozar das divertidas aventuras de Tintín e os seus amigos: o capitán Haddock, o profesor Tornasol e os despistados detectives Hernández e Fernández.
Ningún comentario:
Publicar un comentario
Que esta Quinta estea viva depende de ti.