A Voz da Mata xa comeza a dar os seus primeiros froitos

O alumnado do centro está animándose a facer os seus programas de radio. 
Raúl, alumno de 4º ESO, comezou a facer unha serie de programas que se chaman "As historias de Raúl" no que nos conta vivencias e historias galegas. Tamén se animou entrevistando a algún compañeiro.

O alumnado de 4º A de Primaria fixo un precioso programa de poemas moi ameno titulado "Poemas para o tempo".

Os nenos/as de 2º de Primaria fixeron un programa contando as experiencias máis importantes que viviron no que vai de curso, "Os mellores momentos deste curso".

Todos estes programas podédelos escoitar na plataforma IVOOX, buscando A Voz da Mata. Na páxina web do centro atoparedes a ligazón para escoitar os programas, podedes facelo premendo aquí.

Aproveitamos para ensinarvos o novo equipamento para a radio. Trátase dun monitor máis grande para poder abrir varias fiestras á 

vez e un reprodutor de CDs.

E xa está todo preparado para ter mañá a xornada de formación de radio para o alumnado, a cargo de Rede Espora.

"Para min a radio é emoción, ton e improvisación"

Isabel Gemio